Rusët janë tërhequr nga zonat përreth Kievit, por ata lanë trauma e plagë të thella që mund të mos shërohen kurrë.
BBC ka dëgjuar dëshmi nga dora e parë dhe ka gjetur prova të përdhunimit të grave ukrainase nga ushtarët pushtues.
Në një lagje të qetë, 70 kilometra në perëndim të Kievit, jeton Anna 50 vjeçare (emri i është ndryshuar për mbrojtje të identitetit).
Anna tha se më 7 mars kishte qenë në shtëpi me burrin e saj kur hyri një ushtar i huaj, i cili e kishte përdhunuar.
“Nën kërcënimin e armës më çoi në një shtëpi aty pranë. Më urdhëroi “hiqi rrobat ose të qëlloj”. Vazhdoi të më kërcënonte se do të më vriste nëse nuk bëja siç thoshte ai. Më pas filloi të më përdhunonte”, tha ajo.
Me t’u kthyer në shtëpi, ajo kishte gjetur burrin e saj të qëlluar në bark, raporton BBC.
“Ai kishte tentuar të vraponte pas meje për të më shpëtuar, por u godit nga një plumb”, tha ajo.
Të dy kërkuan strehim në shtëpinë e një fqinji, ata nuk mund ta çonin burrin e saj në spital për shkak të luftimeve dhe kështu ai vdiq nga plagët e marra dy ditë më vonë.
Ajo bashkë me ndihmën e një fqinji të saj, e varrosën burrin në oborrin e shtëpisë së tyre, ku një kryq i gjatë prej druri qëndron në krye të varrit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Intervistë e Albanian Post me Zijadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickovsit
-
Turqia do të ndërhyjë në çështjen e gjenocidit të GJND-së kundër Izraelit
-
Dëshmitari i 60-të përfundon dëshminë në Speciale, gjykimi ndaj ish krerëve të UÇK-së vazhdon më 6 maj
-
Berisha i kërkon Gjykatës së Lartë leje për paraqitje në Kuvend
Lajmet kryesore
-
Intervistë e Albanian Post me Zijadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickovsit
-
Berisha i kërkon Gjykatës së Lartë leje për paraqitje në Kuvend
-
Gjeorgjia në revoltë kundër qeverisë pro-ruse, turma kërkon demokraci
-
Premtimi i Kurtit për Kodin Civil “shpresa e fundit” për t’i shpëtuar presionit për Asociacionin