Juan Cuadrado është një nga futbollistët që i përfundon kontrata me Juventus-in në korrik të këtij viti, por për momentin drejtuesit e klubit bardhezi nuk i kanë ofruar ende rinovimin.
Mediat në Itali raportojnë se pavarësisht vonesës, drejtuesit e klubit të Juventus-it do t’ia ofrojnë rinovimin kontratës Cuadrado-s, pasi që nuk dëshirojnë ta humbasin me parametra zero.
Mirëpo, siç shkruhet nga mediat italiane, kontrata e re që do t’i ofrohet kolumbianit do të jetë deri në verën e vitit 2024 dhe me një pagë dukshëm më të ulët.
Aktualisht 33-vjeçari përfiton 5 milionë euro në sezon, ndërsa me kontratën e re Cuadrado do të përfitojë 2.5 milionë euro.
Pra, për ta vazhduar karrierën në “Juventus Stadion”, ai duhet ta pranojë këtë kontratë me pagë të përgjysmuar.
Në të kundërtën, “zonja e vjetër” do ta humbiste atë me parametra zero, njëjtë sikurse ndodhi edhe me Paolo Dybala-n para pak javësh.
Kujtojmë që Cuadrado është pjesë e bardhezinjve që nga viti 2015, kur u transferua nga Chelsea për shumën e 20 milionë eurove.
Deri më tani, kolumbiani ka realizuar 262 paraqitje në të gjitha garat me fanellën e Juventus-it, prej të cilave ka shënuar 24 gola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Krejt çka ndodhi në zgjedhjet në Maqedoni të Veriut, fituesit dhe humbësit
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Cameron thotë se Britania e Madhe nuk do të ndjekë SHBA-të në ndalimin e shitjeve të armëve në Izrael
-
Bislimi e uron VMRO-DPMNE-në për fitoren, shprehet i gatshëm të punojë me Mickoskin