Klubi i Tiranës, në futboll, është nxjerrë zyrtarisht në shitje nga përmbarimi, i cili ka hedhur në ankand 66 për qind të aksioneve, të mbajtura nga Refik Halili.
Aksionet e shumicës, pra 66 për qind, të bardheblueve janë nxjerrë në shitje dhe pronari i ri pritet të zyrtarizohet brenda pak ditësh.
Detyrimet ndaj palëve të treta kanë bërë që aksionet e familjes Halili të bllokohen nga një zyrë përmbarimore, e cila edhe i ka nxjerrë në shitje.
Ankandi për aksionet e plota do të mbyllet më 22 prill. Vlera fillestare e tyre është 161 milionë lekë.
Tirana ka disa gjyqe të humbura ndaj ish-futbollistëve të cilët nuk janë paguar. Madje, FIFA ka bllokuar merkaton e bardheblueve për këtë çështje.
Vendimi më i fundit kundër Tiranës ishte nga Komisioni i Disiplinës në Federatën Shqiptare të Futbollit për një gjyq të humbur ndaj ish-trajnerit, Orges Shehi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit
