Nicolo Zaniolo ka vendosur të largohet nga Roma. Italiani e ka refuzuar vazhdimin e kontratës me klubin e tij dhe kjo gjë i ka mërzitur jo pak tifozët e klubit kryeqytetas.
Së fundmi, në rrugët e Romës, ata e kanë vendosur një pankartë ofenduese për futbollistin e tyre.
“Zaniolo tradhtar **** pa nder”, shkruhet në pankartën e tifozëve romakë.
Primi striscioni contro #Zaniolo. Al #Colosseo: Traditore, m.. senza onore'#asroma pic.twitter.com/nbMjrTlMYy
— laroma24.it (@LAROMA24) January 28, 2023
Zaniolo ka një muaj që ka shfaqur hapur gatishmërinë për t’u larguar nga klubi, duke prishur kështu marrëdhëniet me tifozët e klubit të tij.
Dëshira e futbollistit është që t’i bashkohet Milan-it, por duket se kuqezinjtë janë dorëzuar. Kampionët e Italisë ofruan rreth 25 milionë euro për ta marrë në janar, por Roma nuk e liron pa të paktën 30 milionë euro.
Këtë kërkesë e plotësoi skuadra angleze, Bournemooth, por Zaniolo ka refuzuar transferimin aty.
Mbetet të shihet se a do të pajtohen Milan-i dhe Roma për transferimin e Zaniolo-s, apo ai do të mbetet në kryeqytet të paktën deri në verë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
