The Guardian e ka renditur ndër dhjetë aktivitetet evropiane që nxisin shpirtin e aventurës, edhe sportin e kalërimit në Shqipëri.
Sakaq, kryeministri Edi Rama ka publikuar në mediat sociale artikullin, i cili e përshkruan sportin e kalërimit në Shqipëri, si një përvojë unike, gjatë së cilës mund të përshkosh kodra, të zbulosh fshatra mesdhetarë e rrënoja bizantine si dhe të njohësh mikpritjen e vendasve.
“Prestigjiozja The Guardian, ndër 10 aktivitetet evropiane që nxisin shpirtin e aventurës, rendit edhe sportin e kalërimit në Shqipëri si një përvojë unike gjatë së cilës mund të përshkosh kodra, të zbulosh fshatra mesdhetarë e rrënoja bizantine si dhe të njohësh mikpritjen e vendasve”, ka shkruar Rama.
Referuar The Guardian, “në udhëtimin e shtigjeve të lashta malore në Shqipëri, kalorësit eksplorojnë kodrat, luginat dhe pyjet, fshatrat mesjetare, kështjellat e rrënuara dhe manastiret bizantine”.
“Udhëtimi fillon dhe përfundon në qytetin e Gjirokastrës të listuar në UNESCO dhe netët kalohen në shtëpi, duke gatuar dhe ngrënë me familjet vendase”, thuhet në artikull.
Gjallëria e turizmit shqiptar në vitin 2023 nuk ka qenë thjesht një perceptim, por një arritje e madhe reale e vendit, duke ndërthurur si turizmin e brendshëm, ashtu edhe atë të huaj.
Në bazë të të dhënave të fundit të publikuara nga Eurostat, sa i takon numrit të netëve të qëndrimit në akomodime turistike në gjithë kontinentin, reflektohet në Shqipëri një rritje prej 56.8% krahasuar me vitin 2023 dhe mbi 84% krahasuar me vitin 2019, kur nisën edhe kufizimet e pandemisë.
Kjo gjë jo vetëm që ka pasur reflektime në ekonomi, por e ka bërë Shqipërinë edhe vendin me rritjen më të madhe dhe një rekordmene të vërtetë të turizmit, ku vendi pasues për rritjen e turizmit është Malta me 20.5% – pra një ndryshore prej mbi 36% më pak se sa Shqipëria kryesuese.
Ndërsa, nëse krahasohet me mesataren e Bashkimit Evropian, Shqipëria është mbi 50% më mirë në shifra, ku mesatarja e rritjes është prej 6.1% në BE.
Një rritje edhe më e madhe ndërkaq u shënjua edhe sa i takon vizitorëve ndërkombëtarë në Shqipëri, pasi netët e qëndrimit u rritën me 81.7% në vitin 2023, kur mesatarja e BE-së për këtë është në rënie, me -0.3%.
Serbia u radhit e dyta sa i takon ecurisë me netët e qëndrimit nga shtetasit e huaj, duke shënuar rritje me 39.3%.
Njëkohësisht, në Shqipëri, netët e qëndrimit nga vizitorët vendas u rritën me 90.3%. Por, kjo nuk e bën të zënë vendin e parë, pasi për turizmin e brendshëm, këtë vit kryeson Islanda me një rritje 109.3%.
Në tërësi Shqipëria arriti të presë mbi 10 milionë turistë të huaj në vitin 2023 – një shifër rekord kjo dhe e para herë në historinë e vendit.
Nga ana tjetër, edhe viti 2024 ka nisur i mbarë për turizmin, pasi vetëm në dy muajt e parë të vitit ka pasur një rritje të konsiderueshme, me ardhjen e 1 milion turistëve të huaj në vend.
Nëse progresioni mbetet i tillë, Shqipërinë gjatë vitit 2024 mund ta vizitojnë deri në 13 milionë turistë të huaj, duke thyer rekordin e vitit të mëparshëm.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
Komisioni Hetimor për TIMS publikon listën e dëshmitarëve që do të pyeten: Balla, Rrumbullaku e Hyseni mes tyre
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Meta rreshtohet me VMRO dhe ‘parashikon’ fitoren e tyre në Maqedoninë e Veriut
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog