Italia ka arritur ta mund 10 herë Anglinë në përballje direkte.

Tre Luanët kanë tetë fitore përballë Azurrëve dhe nëntë ndeshje kanë përfunduar në barazim.

31 gola ka shënuar Italia në portën e anglezëve, ndërsa ka pësuar 33 gola prej tyre.

Italia e Roberto Mancini-t ka 33 ndeshje pa pësuar humbje.

Italia në fushatën kualifikuese të Euro 2020 i fitoi të 10-ta ndeshjet, gjithashtu fitoi edhe tre ndeshjet në grupet e Euro 2020, ndërsa barazoi në raundin e të 16-ve në kohën e rregullt, por kaloi pas fitores në kohë shtesë, fitoi në çerekfinale dhe barazoi në gjysmëfinale, ku kaloi më tej pas kualifikimit me penallti.

Kapiteni i Italisë, Giorgio Chiellini, ishte shumë pranë transferimit te Sunderland-i në vitin 2007, përpara se të arrinte një super karrierë me Juventus-in.

Sipas The Mirror, trajneri i Sunderland-it asokohe, Roy Roy, kishte dhënë dakortesinë e tij, por transferimi nuk u krye për një diferencë në ofertë rreth 200 mijë paund.

Roberto Mancini e ka drejtuar Italinë në 38 ndeshje, ku ka arritur 28 fitore dhe vetëm dy humbje.

Gareth Southgate e ka drejtuar Anglinë në 60 ndeshje, ku ka arritur 39 fitore dhe 10 humbje.

Stadiumi “Wembley” do të presë finalen e Euro 2020, midis Italisë dhe Anglisë.

Ndërsa, finalja e dytë do të jetë ajo e Euro 2022 në futbollin e femrave.

Ish-ylli i Kombëtares së Anglisë, Ashley Cole ka vleresuar lojtarin e Italise, Federico Chiesa.

“Chiesa shfaqet shumë në zonë. Ai është lojtar shumë inteligjent dhe është shumë i shpejtë, kështu që duhet të jesh i kujdesshëm kur lufton ose e mbulon”.

“Nuk mund t’i lini shumë hapësirë, sepse në këtë rast Lorenzo Insigne bëhet një “10” dhe ai vrapon përpara”.

“Pra, janë një kërcënim, por unë mendoj se Shaw do e mbulojë mirë. Ai do i bëjë detyrat e shtëpisë”.

Trajneri i mirënjohur italian, Claudio Ranieri ka bërë parashikimin e ndeshjes, Italia – Anglia.

“Është 50-50, sepse 90% e Wembley-t po shtyjnë ekipin e tyre, por Italia është e gatshme të luajë futboll, të përpiqet të fitojë”.

“Lojtarët italianë janë mësuar të luajnë në çdo situatë. Për ta, do të jetë shumë mirë, të luajnë kundër të gjithë stadiumit”.

“Gareth Southgate ka bërë ekip fantastik. Ata luajnë së bashku dhe ndihmojnë njëri-tjetrin. Ekziston cilësia dhe fryma angleze”.

Harry Kane ka 38 gola me Anglinë dhe pas tij, vjen Raheem Sterling-u me 17 gola.

Te Italia, golashënuesi më i mirë, nga lojtarët që janë pjesë e Euro 2020 është Ciro Immobile me 15 gola.

Kane ka shënuar katër gola në Euro 2020, Sterling-u tre, ndërsa Immobile dy.

Italia: Donnarumma; Di Lorenzo, Bonucci, Chiellini, Emerson; Barella, Jorginho, Verratti; Chiesa, Immobile, Insigne

Anglia: Pickford; Walker, Stones, Maguire, Shaw; Rice, Phillips; Saka, Mount, Sterling; Kane

Gareth Southgate, trajner i Anglisë: “Realiteti i çdo skuadre është se ne kurrë nuk i mbledhim përsëri këta 26 lojtarë. Thjesht nuk funksionon në atë mënyrë”.

“Ata kanë lënë një trashgimi të shkëlqyer, çfarëdo që të ndodhë, por tani ka të bëjë me ngjyrën e medaljes dhe keni shumë pak mundësi në jetë për të bërë diçka të tillë”.

“Kështu që ne duhet ta shfrytëzojmë atë moment dhe t’i japim vetes shansin më të mirë për të fituar”.

Roberto Mancini, trajner i Italisë: “Kemi punuar për këtë për shumë vite, kështu që ne jemi shumë të lumtur dhe unë vetëm mund të falenderoj lojtarët për atë që kanë bërë deri më tani”.

“Ne ende nuk kemi fituar asgjë. Do të duhet të fitojmë të dielën (sot) për ta konsideruar një sukses”

“Anglia do të ketë një stadium të tërë pas vetes. Do të jetë mbi ne, t’i vendosim ata nën presion”.

“Një finale është pak më ndryshe nga ndeshjet e tjera, ne do të duhet të luajmë të fokusuar, por edhe me entuziazëm sepse një finale mund ta fitosh vetëm nëse del në fushë për t’u argëtuar”.

Kapiteni i Anglisë, Harry Kane: “Kemi besim të madh te skuadra. Kemi forcë të madhe në skuadër, por shumë gjëra mund të ndodhin në një finale dhe ne duhet të sigurohemi se jemi në anën e duhur të saj”.

“Ne kemi rrezuar pengesat gjatë rrugës, por ne e filluam këtë turne me një qëllim, për ta fituar atë dhe tani kemi mundësinë”.

Kapiteni i Italisë, Giorgio Chiellini: “Duhet të kemi zemër të zjarrtë dhe mendje të kthjellët. Do të ketë momente kur duhet të guxojmë dhe duhet të jemi flaksibel”.

“Nuk mund të futemi në lojë duke menduar se do të kemi kontrollin për 90 minuta. Është një finale dhe do të kujdesemi për detajet në mënyrë që ta fitojmë atë”.

“Ndeshje si këto mund të mos vijnë përsëri për mua në karrierën time, është e veçantë të jesh pjesë e saj. Ne jemi të vetëdijshëm se sa e rëndësishme është kjo lojë”.

“Mund të mos ketë qenë paraqitja më e mirë e Italisë në gjysmëfinale kundër Spanjës, por ka një aspekt që më bëri përshtypje”.

“Azurret duket se luajnë pa asnjë lloj presioni. Edhe kur loja shkoi në penallti, kishte shumë buzëqeshje dhe të qeshura, diçka që jemi mësuar ta shohim ndërsa i shikojmë duke u stërvitur në Coverciano”.

“Ata ndoshta e dinë se tashmë kanë arritur diçka të veçantë për të rifituar dashurinë e një vendi të tërë dhe shumë respekt në nivel ndërkombëtar. Kjo është fryma më e mirë për të përballuar Anglinë në Wembley”.

Qendërmbrojtësi i Anglisë, John Stones është lojtari me pasimet më të sakta nga të dy skuadrat finaliste në Euro 2020.

Mbrojtësi i Manchester City-t ka kompletuar 406 pasime.

Pas Stones, vijnë Jorginho me 399 pasime të sakta dhe Leonardo Bonucci me 319.

Sipas një studimi te Bloomberg, Euro 2020 ka ndikuar shumë në ekonominë britanike, duke rritur shpenzimet nga ana e tifozëve.

Nga supermarketet, baret, bastet etj. të gjithë kanë pësuar rritje të xhirove.

Vetëm sektori i hotelerisë raportohet të ketë fituar rreth 90 milionë paund.

Giorgio Chiellini është i vetmi lojtar nga të dy skuadrat që do të ndeshen sot, që ka qenë në ndeshjen hapëse të Wembley-t në vitin 2007.

Asokohe, Chiellini ishte kapiteni i Italisë U21, ndërsa sot do të jetë kapiteni i skuadrës që do të provojë të fitoi titullin e dytë në Euro.

Ndeshja e vitit 2007, përfundonte në shifrat 3-3, por si do të përfundoj sot?

Roberto Mancini ka vendosur të luajë me skemën 4-3-3 klasike: Donnarumma; Di Lorenzo, Bonucci, Chiellini, Emerson; Barella, Jorginho, Verratti; Chiesa, Immobile, Insigne.

Gareth Southgate do të luajë me skemën 3-4-2-1: Pickford; Walker, Stones, Maguire; Trippier, Rice, Phillips, Shaw; Mount, Sterling; Kane.

Evropiani është një nga kompeticionet më të ndjekura ne Evropë dhe më gjerë dhe normalisht edhe në Shqipëria ndiqet shumë. Por, çfarë mendojnë tifozët shqiptarë, kush skuader do e fitojë Euro 2020?

Mesfushori i Italisë, Marco Verratti do të ritakohet me Bjorn Kuipers-in, arbitrin që do të mbajë drejtësinë në finalen e Euro 2020.

Verratti dhe Kuipers-i patën një incident mes tyre në Ligën e Kampionëve të këtij viti, ku PSG-ja e Verratti-t u përballë me Manchester City-n.

Pas ndeshjet, Verratti tha për mediat se në dy raste arbitri e kishte ofenduar, çka u mbështet edhe nga bashkëlojtarët e tjerë të tij.

Portieri i Anglisë, Jordan Pickford ka pësuar vetëm një gol këtë Evropian, ndërkohë që e ka mbajtur portën të paprekur në pesë ndeshje.

Portieri i Italisë, Gianluigi Donnarumma,  nuk ka pësuar asnjëherë më shumë se një gol në një ndeshje për Azzurrët.

Tifozët anglezë kanë tentuar të hyjnë me forcë në “Wembley”, por pas disa çastesh policia ka qetësuar situatën, duke zbrapsur tifozët pa bileta.

https://twitter.com/disclosetv/status/1414276912575361028?s=20

Në Wembley ka nisur ceremonia zyrtare e finales, përpara se të fillojë takimi mes Italisë dhe Anglisë.

Italianët janë ata që shkelmojnë topin e parë nga mezi i fushës.

Ka nisur finalja në “Wembley” nën reshjet e shiut.

Goli i Luke Shaw, është goli më i shpejtë i shënuar në një finale të Kampionatit Evropian

Bjorn Kuipers ka këshilluar Kalvin Phillips, pasi anglezi ka shkaktuar dy faulle deri më tani.

Italia ka marrë faull shumë pranë zonës së Jordan Pickford.

Lorenzo Insigne e ekzekuton, por topi shkon mbi traversë.

Kieran Trippier shumë i lëvizshëm në krahun e djathtë.

Lojtari anglez po kthehet në rrezikun numër një per mbrojtjen italiane, pasi ishte edhe asistuesi i golit të parë.

Italia po merr pak nga pak zotrimin e topit, por u mungon agresiviteti.

Mesfushori i Italisë, Jorginho ka mbetur i dëmtuar.

Nuk ka pasur përplasje, mesfushori është shtirë vet në fushë, nderkohë që po merr ndihmën mjeksore.

Nuk ka probleme serioze për Jorginho.

Lorenzo Insigne provon nga distanca, por topi i goditur prej tij shkon shumë jashtë kuadratit, mbi të gjitha nuk kishte as forcën e duhur.

Momente të mira për italianët që luajnë me pasa në gjysmëfushën angleze, por aksioni mbyllet jo siç duhej, duke i dhuruar topin Jordan Pickford-it.

Federico Chiesa kërcënon portën angleze me një aksion personal, por topi i gjuajtur prej tij, shkon jashtë.

Zgjatja e Emerson, që shkakton faull ndaj Declan Rice dhe Bjorn Kuipers ndalon lojën.

Nuk sjell rrezik në portën angleze, krosimi i Marco Verratti-t.

Marco Verratii përfiton nga një top vakant në hyrje të zonës angleze, gjuan, por topi nuk ka forcën e duhur dhe përfundon në duart e Jordan Pickford-it.

Leonardo Bonucci gjuan nga distanca, por topi shkon shumë larg kuadratit.

Nuk ka me kohe per kete pjese te pare, Bjorn Kuipers dergon skuadrat ne dhomat e zhveshjes.

Anglia udhëheq ndeshjen me golin e Luke Shaw në minutën e 3-të.

David Beckham, Sir Geoff Hurst, Kate Moss dhe Tom Cruise duke parë ndeshjen në Wembley.

Kësaj radhe do të jenë anglezët që shkelmojnë topin e parë nga mezi i fushës.

Anglezët janë vetëm 45 minuta larg triumfit historik.

Raheem Sterling pengohet në zonën e Italisë, por Bjorn Kuipers, lë lojën të vazhdojë normalisht.

Raheem Sterling pengon Lorenzo Insigne-n në hyrje të zonës.

Insigne e merr përsipër ekzekutimin e faullit dhe topi i gjuajtur prej tij shkon ngjitur me portën e mbrojtur nga Jordan Pickford.

Lorenzo Insigne gjuan brenda zonës, por topi pritet nga Jordan Pickford.

Federico Chiesa i është afruar ndjeshëm golit, por është ndalur në momentin e fundit nga Jordan Pickford.

Italiani lëvizi bukur në brendësi të zonës angleze, por gjeti të gatshëm Pickford-in, që e ndali.

Goditje nga këndi për Anglinë, kroson Kieran Trippier, topi gjen John Stones në zonë, që godet me kokë, por Gianluigi Donnarumma e largon përsëri në këndore.

65% ka shkuar zotrimi i topit nga italianët deri në këto minuta.

Domenico Berardi merr një top të gjatë nga Leonardo Bonucci, gjuan fluturimthi, por topi shkon mbi traversë.

Mesfushori italian, Jorginho shkakton faull ndaj Harry Maguire-t, që po nisej drejt sulmit

Federico Chisa vallzon me topin mes dy lojtarëve të Anglisë, por pengohet nga Kyle Walker dhe dëmtohet.

Bukayo Saka merr keq një top në qendër të zonës italiane, një mundësi e artë për të shenuar që nuk shfrytëzohet.

Super aksion personal nga Raheem Sterling, por në fund, del me topin jashtë.

Nuk ka rrezik për Italinë, që marrin një faull në zonën e tyre dhe çlirohen nga rreziku.

Aksione te njepasnjeshme te italianeve, qe aktualisht zotrimin e topit e kane 62%.

Nuk ka fitues në 90-të minuta. Ndeshja i drejtohet kohës shtesë të 30-të minutave.

Anglezët e nisin nga mezi i fushës.

Raheem Sterling ndërhyn me forcë ndaj Jorginho, por shkakton faull në sulm.

Kapiteni, Giorgio Chiellini ka bërë një ndërhyrje që vlen sa një gol, kur i ka hequr topin Raheem Sterling-ut që gjendej brenda zonës italiane.

Anglia po kalon momente të mira, teksa po rrezikon portën italiane.

Aksion i rrezkishëm i italianëve, por Jordan Pickford ka shpëtuar portën e tij, nga një kros në zonë dhe Federico Bernardeschi ishte aty për ta shfrytëzuar.

Nuk ka fitues as për këtë pjesë të parë të kohës shtesë.

Janë edhe 15-të minuta të tjera, nëse nuk ndryshon rezultati do të ketë penallti.

Kane nisur edhe 15-të minutat e fundit të kohës shtesë.

Topin e parë nga mezi i fushës e nisin italianët.

Faull për Italinë, godet Federico Bernardeshci, topi qendror, por Jordan Pickford për pak sa nuk rrezikoj golin, pasi e priti topin në dy kohë.

Gianluigi Donnarumma ka gabuar në dalje, teksa nuk e largon siç duhet topin, duke e lënë në zonë, por fatmirësisht për të, ai top nuk shkon në rrjetë.

Jorginho dhe Jack Grealish kanë mbetur të dëmtuar, pas përplasjes me njëri-tjetrin.

Italia kërkon penalli për prekje të topit me dorë në zonë, por nuk është i këtij mendimi Bjorn Kuipers.

Nuk ka fitues as në 120-të minuta lojë.

11-të metërshat do të vendosin fituesin.

Italia eshte kampiona e re e Evropes.

Nuk mjaftuan 90-të minuta lojë, as 120-të, por penalltitë për ta dërguar titullin e kampionit të Evropës në Romë.

Italia për herë të dytë në historinë e saj, shpallet kampione e Euro, nga katër finalet që ka luajtur.