Ka më pak se 24 orë që kur Ministria e Kulturës, Rinisë e Sportit publikoi agjendën shtetërore për 15 vjetorin e Pavarësisë së Kosovës dhe 25 vjetorin e Epopesë së Ushtrisë Çlirimtare të Kosovës.
Për kaq kohë, vemendje morri llogoja e këtij përvjetori.
Numri 15 i ndarë në forma gjeometrike me ngjyra, u komentua shumë duke kërkuar spjegimin e saj.
Dizajneri grafik, Albian Gagica i cili dizajnoi llogon e këtij përvjetori ka spjeguar për Albanian Post se “kjo llogo është moderne”.
“15 vjet përjetë”
“Ka forma të thjeshta. Ngjyrat i ka simbolike për rolin e gruas si ngjyra e parë në atë paletë, pastaj flamuri i Kosovës, në qendër ka kuq e zi”, spjegoi më tej Gagica, duke zbërthyer kështu enigmën e vendosjes së ngjyrave në llogon festive të këtij përvjetori të pavarësisë.
“Ngjyra e gjelbert eshte organike, e ardhmja eshte e gjelbert”, shtoi Gagica.
“Kosova me natyrën e saj është e gjelbërt”.
Si artist, vendosjen simbolike të gruas në këtë përvjetor ai e spjegoi me të arriturat e grave e vajzave në arenën ndërkombëtare.
“Sepse femrat na zbardhin ftyren çdo ditë nëpër botë. Fakt”, specifikoi Gagica, pasi u pyet nga Albanian post për motivin e kësaj radhitje.
Dizajneri kosovarë ka treguar se ishin institucionet e vendit ato që e kontaktuan për të dizajnuar llogot festive të 15 vjetorit të pavarësisë së Kosovës.
“Kanë pas deshirë unë me i punu dy logot jubilare. Pastaj është procesi i dizajnit ku propozohen konceptet prej meje pastaj ata zgjedhin një”, tregoi ai.
Për të dizajnuar llogon e “15 vjet shtet përjetë”, Gagica thotë se i morri jo pak kohë.
“Krijimi i një logo është proces, në këtë rast logo të shtetit proces edhe më i gjatë. Unë e ceka më herët i punoj disa koncepte. Pastaj vendoset një”.
“Epopeja e Ushtrisë Çlirimtare të Kosovës përjetë”, është llogoja tjetër e cila brenda numrit 25 në kuq e zi ka të vendosura dy koka shqiponjash, si simbol i flamurit kombëtar.
Me imazhet e tre pjestarëve të familjes Jashari të cilët ranë heroikisht më shtatë mars të vitit 1998. Bashkë me shumë pjestarë të tjerë të familjes, përfshirë edhe fëmijët, ndaj të cilëve nuk u tregua aspak mëshirë nga forcat sulmuese serbe.
Ditët festive të 15 vjetorit të mvetësisë së Kosovës, do të nisin më 9 shkurt dhe do të përfundojnë më 12 të muajit tjetër.
Ministria e Kulturës ka publikuar agjendën e programit të Këshillit Organizativ të Republikës së kosoëvs dhe 15 vjetorin e Epopesë së UÇK-së e cila nisë me promovimin e monografisë së Ramiz Kovaçit dhe përfundon me “Kupën e flakadanit” në çiklizëm rrugor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Britania e Madhe do të votojë pro Kosovës në Këshillin e Evropës
-
Osmani takon Hovenierin: Vazhdimi i masave është i padrejtë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen
-
Mujanoviç: S’ka asnjë argument logjik, ligjor apo politik për ta mbajtur Kosovën jashtë Këshillit të Evropës
Lajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Britania e Madhe do të votojë pro Kosovës në Këshillin e Evropës