Ministrja e Punëve të Jashtme të Kosovës, Donika Gërvalla-Schwarz, në kuadër të vizitës dy ditore në Monako, takoi kyediplomaten e principatës, Isabelle Berro-Amadei, ku në fokus të diskutimeve ka qenë situata e sigurisë në Kosovë pas sulmit terrorist të paramilitarëve serbë më 24 shtator 2023 dhe forcimi i bashkëpunimit bilateral midis Kosovës dhe Monakos.
“Në atmosferë tejet miqësore u diskutuan tema të ndryshme me interes të përbashkët, duke përfshirë bashkëpunimin në kuadër të organizatave ndërkombëtare, forcimin dhe thellimin e bashkëpunimit bilateral, zgjerimin e bashkëpunimit në fushën e ekonomisë dhe shkëmbimin e përvojave në diplomacinë publike”, thuhet në njoftimin e diplomacisë kosovare.
Ndër të tjera, kryediplomatja kosovare falënderoi Monakon për mbështetjen ndaj Kosovës, veçanërisht në fushën e telekomunikimit, anëtarësimin në Organizatën Ndërkombëtare të Frankofonisë (OIF), mbështetjen e Kosovës në fitimin e së drejtës për të organizuar Lojërat Mesdhetare 2030 (Prishtina 2030) dhe procesin e anëtarësimit në Këshillin e Evropës (KiE).
Në fund të komunikatës bëhet e ditur se ministrja Gërvalla falënderoi ministren Berro-Amadei për mikpritjen e përzemërt dhe e ftoi të vizitojë Kosovën. Monako është një vend i vogël evropian që mbështet zhvillimin, pavarësinë dhe njohjen ndërkombëtare të Kosovës dhe anëtarësimin e vendit të vogël ballkanik në të gjitha organizatat ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vizita e Xi Jinping, Escobar: I shërben rritjes së tensioneve mes Serbisë dhe Perëndimit
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
KMDLNJ: MD-ja po e dezinformon publikun për marrëveshjen me Danimarkën – është kriminale dhe raciste
-
Prokuroria kërkon 15 vjet burg, për autorin e vrasjes së 7-vjeçares me skaf në Himarë
Lajmet kryesore
-
KSHZ: Deri në orën 15:00 në zgjedhjet parlamentare votuan 36,84%, në ato presidenciale 32,16%
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin