![](https://albanianpost.com/wp-content/uploads/2022/05/Punetor-ndertimtarie-foto-REL-AFP-e1532250753769.jpg)
Në komunën e Kaçanikut është shembur një objekt ku si pasojë kanë mbetur të lënduar dy persona.
Lajmin për Albanian Post e ka konfirmuar zëdhënësi i Policisë së Kosovës, Kanun Veseli.
“Në ora 13:25 ka ndodhur ky rast i shembjes. Lëndime kanë pësuar 2 persona të cilët pas marrjes së ndihmës së parë mjekësore në Kaçanik të njëjtit janë dërguar në Qendrën Emergjente në Ferizaj për trajtim të mëtejshëm”, ka thënë Veseli.
![](https://albanianpost.com/wp-content/uploads/2022/05/policia-e-kosoves-1.jpg)
Ndërsa, policia këtë rast është duke e trajtuar si rrezikim i sigurisë në vendin e punës, derisa në vendin e ngjarjes kanë dal edhe inspektorët e punës.
“Rasti është cilësuar “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”. Ndërsa në vendin e ngjarjes kanë dal edhe inspektorët e punës”.
Veseli, ka bërë të ditur se rasti është duke u hetuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com