Afganistani, Katari dhe SHBA mbajnë takim trepalësh në Antalia të Turqisë
Zyrtarë të lartë të Shteteve të Bashkuara të Amerikës (SHBA) janë takuar me zyrtarët e qeverisë amerikane dhe të Katarit në një takim trepalësh në margjinat e Forumit të Diplomacisë në Antalia të Turqisë.
I dërguari i SHBA-së, Tom West e ka quajtur takimin “një situatë të favorshme”, ai ka diskutuar “politikën e ardhshme të Uashingtonit për Afganistanin”, thuhet në deklaratë, përcjellë AA.
“Ne po përpiqemi të ngremë ekonominë e Afganistanit në këmbët e saj”, ka deklaruar West.
“Unë nisem sot për në Forumin e Diplomacisë në Antalia 11-13 Mars. Faleminderit Turqisë për pritjen dhe pres me padurim diskutimet me partnerë të rëndësishëm në lidhje me angazhimin ndërkombëtar me Afganistanin, thuhet në një postim në rrjetin social Twitter të West-it.
I depart today for the Antalya Diplomacy Forum March 11-13. Thank you to Turkey for hosting, and I look forward to discussions with important partners regarding international engagement with Afghanistan.
— U.S. Special Representative Thomas West (@US4AfghanPeace) March 10, 2022
Ministri i Jashtëm në detyrë i Afganistanit, Amir Khan Muttaqi në takimin trepalësh ka lexuar një deklaratë të Ministrisë së Jashtme afgane ku ka përsëritur thirrjen e talebanëve për “njohjen e qeverisë së re dhe lirimin e pronës si të drejtë legjitime të afganëve”, duke theksuar përpjekjet e qeverisë talebane për “promovimin e marrëdhënieve politike dhe ekonomisë”.
Muttaqi tutje është shprehur se situata në Afganistan është “më e favorshme për angazhim pozitiv dhe diplomatik me komunitetin ndërkombëtar se kurrë më parë”.
“Këtë mëngjes, Ministri i Jashtëm në detyrë i IEA, Mawlawi Amir Khan Muttaqi, u takua në një takim trepalësh me Ministrin e Jashtëm të Katarit dhe zëvendëskryeministrin Sheikh Muhammad Bin Abdurrahman Al Thani dhe Përfaqësuesin Special të Shteteve të Bashkuara për Afganistanin, z. Tom West”, thuhet në njoftimin e Ministrisë së Jashtme të Afganistanit.
This morning, IEA Acting Foreign Minister Mawlawi Amir Khan Muttaqi met in a tripartite with Qatari Foreign Minister and Deputy Prime Minister Sheikh Muhammad Bin Abdurrahman Al Thani and the United States Special Representative for Afghanistan Mr. Tom West.
The meeting also pic.twitter.com/Euw4VyeZAy
— Ministry of Foreign Affairs – Afghanistan (@MoFA_Afg) March 11, 2022
Ndërsa përfaqësuesi i Katarit, zëvendëskryeministri dhe ministri i Jashtëm, Sheikh Mohammed bin Abdul Rahman Al Thani ka vlerësuar sikurse edhe dy palët e tjera në takim se Forumi Diplomatik i Antalias është një “mundësi e mirë për të zhvilluar kontakte”.
Edicioni i dytë i Forumit Diplomatik të Antalias ka mbledhur së bashku politikanë, diplomatë, krijues të opinionit dhe akademikë nga e gjithë bota për të diskutuar mbi çështjet globale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit