Raporti për vrasjen e Khashoggi-t pritet të dalë së shpejti

Një version jo i klasifikuar i një raporti të inteligjencës amerikane që pritet të dalë të enjten, zbulon se Princi i Kurorës Saudite, Mohammed bin Salman (MBS), miratoi vrasjen e gazetarit 2018 Jamal Khashoggi.

Zyrtarët thanë se raporti, për të cilin Agjencia Qendrore e Inteligjencës (CIA) ishte kontribuesi kryesor, vlerësoi se princi miratoi dhe me gjasë urdhëroi vrasjen e Khashoggi-t. Ky i fundit, një kritik i politikave të princit.

Presidenti i Shteteve të Bashkuara të Amerikës (SHBA), Joe Biden, u tha gazetarëve të mërkurën se ai kishte lexuar raportin dhe priste të fliste së shpejti në telefon me Mbretin e Arabisë Saudite,  Salman bin Abdulaziz al-Saud.

Biden po punon për të rivendosur marrëdhëniet me Riad në linjat tradicionale pas katër vitesh lidhje më të ngushta nën Trump.

Zëdhënësi i Shtëpisë së Bardhë, Jen Psaki, u tha gazetarëve se Biden do të komunikonte vetëm me mbretin Saudit dhe tha se raporti “Khashoggi” ishte duke u përgatitur për t’u publikuar së shpejti.

59-vjeçari Khashoggi, një gazetar saudit dhe kolumnist i Washington Post, u manipulua të shkonte në konsullatën Saudite në Stamboll më 2 tetor 2018 dhe u vra nga një ekip operativësh të lidhur me princin e kurorës. Ata më pas e copëtuan trupin e tij. Eshtrat e tij nuk janë gjetur kurrë.

Ngjarjet pas vrasjes

Pasi mohoi së pari vrasjen, qeveria Saudite ndryshoi drejtim dhe pohoi se Khashogg-i u vra aksidentalisht pasi ekipi kërkoi ta ekstradojë me forcë. Sauditët thonë se ekipi veproi vetë dhe se princi i kurorës nuk ishte i përfshirë.

Tetë burra u dënuan në një gjyq që vëzhguesit ndërkombëtarë e quajtën farsë; pesë morën dënim me vdekje. Dënimet e tyre u kthyen në 20 vjet pasi ata dyshohet se ishin falur nga të afërmit e Khashoggi-t.

Në 2019, hetuesi i Organizatës së Kombeve të Bashkuara (OKB) për të drejtat e njeriut, Agnes Callamard, akuzoi Arabinë Saudite për një “ekzekutim të qëllimshëm dhe të paramenduar” të Khashoggi-t dhe bëri thirrje për hetime të mëtejshme.

“Ka prova të mjaftueshme të besueshme në lidhje me përgjegjësinë e princit që kërkon hetime të mëtejshme”, tha Callamard pas hetimit gjashtëmujor.

Një version i klasifikuar i raportit u nda me anëtarët e Kongresit në fund të vitit 2018.

Asokohe, administrata Trump refuzoi kërkesat e ligjvënësve dhe grupeve të të drejtave të njeriut për të nxjerrë një version të pa klasifikuar të raportit.

Gjatë fushatës elektorale të vitit 2020, Biden premtoi t’i bënte sauditët “të paguajnë çmimin dhe t’i bëjë ata të jashtëligjshëm”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.