Shafrani i Indisë dhe mjalti – mbrojtësi i fuqishëm natyror i imunitetit

Shafrani i Indisë dhe mjalti në kombinim stimulojnë mekanizmin mbrojtës, forcojnë imunitetin, mbrojnë nga sëmundjet dhe mund të jenë aleatë të dobishëm në trajtimin e infeksioneve të frymëmarrjes.

Shafrani i Indisë dhe mjalti si ilaç në kombinim janë një antibiotik natyral i fuqishëm, tashmë aq i njohur sa ka marrë pseudonimin – “Mjalti i Artë”. Shafrani i Indisë ka veti anti-inflamatore, antioksiduese dhe imunostimuluese.

Mjalti është shumë i njohur si një ëmbëlsues natyral, por edhe si një ushqim që forcon imunitetin. Këta përbërës për imunitet në kombinim me barëra medicinale kanë një efekt të fortë në trupin tonë, kurojnë dhe parandalojnë ftohjet.

Mund të përdoren si ilaç që në kombinim bëjnë një antibiotik natyral dhe nuk dëmtojnë florën e zorrëve. Përkundrazi, ato kontribuojnë në funksionimin më të mirë të zorrëve, konsumimi i tyre rrit aktivitetin e florës së dobishme në zorrë.

Më e mira nga të gjitha, mjalti dhe shafrani i Indisë janë lehtësisht të disponueshëm dhe përzierja e tyre përgatitet lehtë dhe ka shije të mirë. Për të përgatitur këtë recetë ju duhet një lugë shafran i Indisë dhe 100 gram mjaltë.

Përzieni një lugë gjelle pluhur shafran të Indisë në 100g mjaltë dhe vendoseni në një kavanoz. Përdorni një lugë druri sepse mjalti reagon keq ndaj metalit.

Ju mund të përdorni këtë përzierje për të parandaluar ftohjet, por edhe për të lehtësuar dhe trajtuar simptomat. Përzierjen mund ta bëni edhe me qumësht ose çaj.

Në rast se tashmë ka ndodhur një ftohje, përdorni ‘mjaltin e artë’: ditën e parë – gjysmë lugë çaji çdo orë; dita e dytë – gjysmë lugë çaji, çdo dy orë; dita e tretë – gjysmë lugë çaji, tre deri në katër herë në ditë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.