Kancelari austriak Karl Nehammer deklaroi se Bashkimi Evropian nuk do të diskutojë embargon e gazit në paketën e ardhshme të sanksioneve ruse.
Lajmin e bëri të ditur agjencia ukrainase “E Vërteta Evropiane”.
“Dje ishte e qartë, dhe sot do e përsëris: embargoja e gazit nuk do të jetë një temë. Olaf Scholz gjithashtu e bëri të qartë”, theksoi kancelari para gazetarëve.
Sipas tij, tema e gazit është krejtësisht e ndryshme nga nafta kur bëhet fjalë për sigurinë e furnizimit.
“Është shumë më e lehtë të kompensosh naftën ruse… Gazi është krejtësisht ndryshe, kështu që embargoja e gazit nuk do të jetë një çështje në paketën e ardhshme të sanksioneve”, shtoi Nehammer.
Pas ditës së parë të samitit, zyrtarët dhe diplomatët evropianë sqaruan se do të ishte edhe më e vështirë të ndalonin blerjet e gazit natyror rus nga BE-ja.
Në të njëjtën kohë, kreu i Këshillit Evropian Charles Michel siguroi se krerët e shteteve dhe qeverive të BE-së janë të përkushtuar.
Kjo, për të përmbushur angazhimet e tyre të ndërmarra në samitin e Versajës gjatë muajit mars.
Vendet garantuan se do t’i japin fund varësisë prej dekadash nga energjia ruse.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ka vdekur Steve Albini, producenti legjendar i Nirvana
-
Numërohen afër 95% e votave: “Fronti Evropian” ka 18 deputetë, “VLEN” 13
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
-
Shtetet e Bashkuara pezullojnë dërgimin e bombave në Izrael
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog
