Ushtria izraelite raportohet se ka goditur objektiva në Rripin e Gazës pas mesnatës të së enjtes.
Kjo, në përgjigje të një rakete të lëshuar nga enklava e kontrolluar nga Hamas-i disa orë më parë.
Raketa përfundoi pranë një shtëpie në qytetin jugor të Sderot-it.
According to reports, the Gaza rocket that landed near a home in Sderot carried hundreds of ball bearings. Sderot Mayor Alon Davidi is seen holding some of them. pic.twitter.com/kwsU2NNn00
— Emanuel (Mannie) Fabian (@manniefabian) April 20, 2022
Lajmi u bë i ditur nga agjencia “Times of Israel”.
Sulmi me raketa ishte i dyti që nga e hëna, pas pothuajse katër muajsh qetësie në kufirin e Gazës.
Ky incident vjen në fund të një dite të mbushur me tensione në Jerusalem.
Nacionalistët izraelitë u penguan nga policia të marshonin nëpër Portën e Damaskut të Qytetit të Vjetër.
Kjo e fundit, është një pikë popullore grumbullimi për palestinezët.
Hamas-i, grupi terrorist që sundon Rripin e Gazës, kishte kërcënuar se do të sulmonte nëse marshimi vazhdonte.
Raportimet e mediave palestineze thanë se një vend në Gaza-n qendrore i operuar nga fraksionet palestineze u godit disa herë në sulmin ajror të së mërkurës.
Pamjet treguan tymin që dilte nga vendi pas një sërë sulmesh.
Hamas' Isal batran site, central Gaza pic.twitter.com/sgv51tg7j6
— Aleph א (@no_itsmyturn) April 20, 2022
Nuk kishte asnjë koment të menjëhershëm nga Forcat Mbrojtëse të Izraelit mbi sulmin.
Sulmi me raketë i së mërkurës në mbrëmje shkaktoi dëme në një makinë dhe një mur pranë një shtëpie në Sderot.
Raketa me sa duket ka rënë jashtë qytetit, por një pjesë e madhe e copëzave është bërë rikoshet.
Sipas raportimeve të mediave në gjuhën hebraike, qindra kushineta topash, të cilat ishin ngarkuar në raketë u gjetën në vendngjarje.
Në të kaluarën, Izraeli është përgjigjur me sulme ajrore kundër vendeve të Hamas-it.
Kjo, pavarësisht nga identiteti i grupit që nisi sulmin.
Ditët e fundit janë parë përleshje të dhunshme midis rebelëve palestinezë dhe policisë në Malin e Tempullit në Jerusalem.
Hamasi dhe grupet e tjera terroriste me bazë në Gaza e kanë përmendur vazhdimisht vendin e shenjtë si një vijë të kuqe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Jam i gëzuar që do bashkëpunoj me një profesor si Mickoski – kemi program fantastik me VMRO-në”, Arben Taravari intervistë për Albanian Post
-
Strategji kombëtare kundër emigracionit, Balla: Synojmë të frenojmë kërkesat për azil
-
Në ujërat greke, aty ku vendet evropiane mësojnë të luftojnë pa ndihmën amerikane
-
Gazetarët në protestë para Kuvendit për lirinë e shtypit