Rennes-it iu mohua goli i barazimit në minutën e fundit kundër Villarreal-it pas një vendimi të VAR.
Të enjten mbrëma, skuadra franceze e Ligue 1 Rennes priti skuadrën spanjolle të La Liga-s, Villarreal, ndërsa dyshja luftuan për të përfunduar në krye të Grupit F në Europa League.
Brenda 10 minutave të fundit, Villarreal-i ishte në avantazh 3-2 falë golit të Dani Parejo.
Në sekondat e fundit të ndeshjes, Lorenz Assignon mendoi se kishte barazuar rezultatin dhe i siguroi ekipit të tij vendin e parë në grup. Megjithatë, goli u përjashtua pas një kontrolli nga VAR, i cili la shumë njerëz të hutuar.
Fillimisht u mendua se goli u anulua për shkak të pozicionit jashtë loje, pasi gjyqtari Atilla Karaoglan ngriti krahun në ajër për të sinjalizuar se goli ishte anuluar. Megjithatë, më vonë u kuptua se goli u përjashtua për shkak të një rregulli pak të njohur.
⚽️El 3-3 anulado al Rennes, lo es, por tocar 2 veces seguidas el balón el jugador que lanza la falta sin que la toque nadie antes.
⏪️A un servidor le pasó y lo cogí al vuelo, al igual que en un saque de esquina, cosa más inverosímil aún.pic.twitter.com/1KQ9n1Yooo
— Mr. Asubío (@MrAsubio) December 14, 2023
Përpara golit, Rennes-it iu dha një goditje dënimi, të cilën e realizoi mesfushori Enzo Le Fee.
Gjatë ekzekutimit të faullit, topi i gjuajtur nga Le Fee goditi shtyllën dhe u kthye drejt tij përpara se ai t’i pasonte topin shokut të skuadrës.
Përfundimisht, topi mori rrugën drejt Assignon, i cili kaloi portierin Pepe Reina.
Megjithatë, sipas rregulloreve të futbollit një lojtar që kryen goditjen e lirë nuk mund ta prekë topin fillimisht pa e prekur një lojtar tjetër pasi topi të kthehet në lojë.
“Nëse, pasi topi është në lojë, gjuajtësi e prek topin përsëri përpara se ai të jetë prekur nga një lojtar tjetër, jepet një goditje e lirë indirekte”, thuhet në rregulloret e futbollit.
Si rezultat i humbjes, Rennes përfundoi i dyti në Grupin F, që do të thotë se ata do të duhet të marrin pjesë në një ndeshje play-off për një vend në raundin e 16-të të Europa League.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
