Stephan El Shaarawy nuk do të udhëtojë për në Torino. Sulmuesi i rikthyer në Roma në seancën e fundit të merkatos nuk do të thirret nga Fonseca për ndeshjen e planifikuar për nesër pasdite kundër Juventus-it. Vendimi u mor nga trajneri i cili preferoi ta linte atë në Trigoria për t’u stërvitur për ndeshjen tjetër kundër Udinese-s. Sot, ‘Faraoni’ (nofka me të cilën identifikohet El Shaarawy) iu nënshtrua një sesioni trajnimi të dyfishtë për të rimarrë ritmin dhe frymëmarrjen.
Pavarësisht se ka luajtur vetëm një ndeshje e gjysmë – për ekipin kombëtar – në pesë muajt e fundit, El Shaarawy ka gjendje të shkëlqyeshme fizike, falë punës së veçantë që bëri në Dubai me ndihmën e një traineri atletik që e stërviti sikur të ishte një trajnim i vërtetë para-sezonal atletik.
Covid-i e detyroi atë të shtyjë nënshkrimin me Roma-n për një javë, por nuk i dha probleme fizike: dje në mëngjes Stephan punoi pjesërisht me grupin (ai nuk luajti pjesën taktike) dhe do të vazhdojë kështu edhe në ditët në vijim për të qenë në gjendje të kthehet në fushë sa më shpejt të jetë e mundur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
