Liga e Kombeve do të rikthehet sonte (e mërkure, 14 qershor), ku do të zhvillohet gjysmëfinalja e parë mes Holandës dhe Kroacisë.
Holanda u rendit në vendin e parë në Grupin 4 të Ligës A, duke lënë pas Belgjikën, Poloninë dhe Uellsin.
Ndërsa në anën tjetër, Kroacia debuton në ketë fazë, duke u pozicionuar si forcë e parë në Grupin 1 në Ligën A duke lënë pas kombëtare si Danimarka, Franca dhe Austria.
🇭🇷🇮🇹🇳🇱🇪🇸 Who's winning it?#NationsLeague pic.twitter.com/74i2EAwgW5
— UEFA EURO 2024 (@EURO2024) June 12, 2023
Holanda e nisi vitin 2023 me disfatën 4:0 ndaj Francës në kualifikueset e Euro 2024, por triumfoi ndaj Gjibraltarit me shifrat 3:0 dhe pse duhet theksuar se disfata ndaj “Gjelave” ishte disi e rëndë për ambientin holandez.
Kroacia, e cila humbjen e fundit e ka regjistruar në gjysmëfinalet e Kupës së Botës 2022 ndaj Argjentinës, vjen me një formë të mirë në këtë përballje
Kroatët triumfuan ndaj Turqisë në ndeshjen e fundit në udhëtim dhe e kanë nisur mirë rrugëtimin drejt Evropianit Gjermani 2024 me 4 pikë në dy ndeshjet e para.
14 June: 🇳🇱🆚🇭🇷
15 June: 🇪🇸🆚🇮🇹
18 June: 🏆All you need to know about the #NationsLeague finals 👇
— UEFA EURO 2024 (@EURO2024) June 12, 2023
Interesant është fakti se këto dy skuadra nuk janë takuar që 25 vite në një ndeshje zyrtare, derisa ajo e fundit daton në Botërorin e Francës të vitit 1998.
Më pas, të dyja skuadrat zhvilluan një miqësore në shkurtin e vitit 2008, me Holandën që triumfoi 3:0.
Kujtojmë që ndeshjet gjysmëfinale dhe finalja do të zhvillohen në Holandë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit