Senatorët demokratë kanë kërkuar të kalojnë një paketë ndihme 1.9 miliardë dollarëshe, pa pasur dakordësim me republikanët. Këta të fundit, do të shtyjnë presidentin, Joe Biden, të zvogëlojë planin e lehtësimit që demokratët kanë në mendje.
Janë dhjetë, senatorët republikanë, të cilët kanë kërkuar të takojnë presidentin Biden mbi çështjen. Ideja e tyre, është të ketë një vendim bipartizan mbi paketën e ndihmës që duhet të kalojë në Senat.
Lehtësimi i pasoja të Covid-19 në SHBA, mbart rëndësi të veçantë me ndryshimin e politikave qe po sjell administrata Biden. Senatorët i kanë dërguar një letër publike presidentit:
“I vlerësojmë thirrjet tuaja për bashkim dhe duam të punojmë me administratën tuaj, për të tejkaluar sfidat shëndetësore, ekonomike dhe sociale të shkaktuara nga Covid-i”.
Në letër nënvizohen disa pika thelbësore për republikanët. Një ndër to, është përfshirja e një buxheti prej 160 miliardë dollarësh për shpërndarjen e vaksinave. Zëra të tjerë janë gjithashtu testimet, pajisjet mbrojtëse për personelin mjekësor dhe gjurmimi i rasteve.
Katër miliardë dollarë shtesë, kërkohen të injektohen në çështjet e shëndetit mendor. Pandemia ka shkaktuar probleme të shumta përsa i përket papunësisë dhe mungesës së sigurisë. Kjo, ka ndikuar drejtpërdrejt në shtimin e ankthit, stresit dhe depresionit, sipas studimeve.
Ndihma e drejtpërdrejtë financiare për familjet amerikane është gjithashtu e përfshirë në paketë. Një çek prej 1 mijë e 400 dollarësh do të shkojë në xhepat e shumë amerikanëve, sipas planit të Biden-it. po mendohet edhe rritja e pagës minimale, në 15 dollarë për orë.
Senatorët që kanë kërkuar takimin, përfaqësojnë një qasje më centraliste brenda partisë republikane. Mbështetësit e ish-presidentit, Donald Trump, njihen për pikëpamje më radikale të djathta.
Duhet parë nëse presidenti Biden, do të pranojë ftesën e hapur të senatorëve republikanë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjedhjet: Deri në ora 17:00 votuan 46.93% për parlamentare, 42.33% për presidenciale – arrihet censusi
-
SHBA-të pro nismës socialiste për sundimin e ligjit: Premtuese për luftën ndaj korrupsionit
-
Mitsotakis: Ardhja e Ramës në Athinë është e panevojshme, s’ka ftesë nga Qeveria greke
-
Escobar: Asociacioni dhe Këshilli i Evropës janë të ndërlidhura, s’e kuptojmë pse Kosova s’e përmbush obligimin