Donald Trump, ish-presidenti i Shteteve të Bashkuara të Amerikës, ka mirëpritur pafajësine e tij gjatë gjyqit, në Dhomën e Përfaqësuesve.
Ai është shprehur se lëvizja e tij “për ta bërë Amerikën e Madhe sërisht sapo ka filluar”.
Senati votoi me 57 vota për ta shpallur ish-presidentin fajtor dhe 43 jo fajtor. Në gjyq kërkoheshin 67 vota, ose dy të tretat për fajësimin e tij, kështu që Trump u shpall i pafajshëm.
Në një deklaratë pas shpalljes së pafajësisë, Trump e quajti gjyqin një fazë tjetër të “gjuetisë më të madhe të shtrigave”.
Trump u largua nga detyra më 20 janar, kështu që fajësimi nuk mund të përdoret për ta hequr atë nga pushteti.
Megjithëse Trump u lirua nga akuza e vetme e nxitjes së kryengritjes, shtatë republikanë u bashkuan me të gjithë demokratët për të dënuar ish-presidentin.
Shifra shënoi numrin më të madh të senatorëve që kanë votuar ndonjëherë për të fajësuar një presidentin e partisë së tyre.
Trump është presidenti i tretë që është fajësuar nga Dhoma e Përfaqësuesve, si dhe i pari që u fajësua dy herë dhe i pari që u përballe me një gjyq për fajësim, pas largimit nga detyra.
Certifikimi i Joe Biden-it u shënjua edhe nga një protestë masive në ndërtesën e Capitol-it. Protesta e thirrur nga Trump-i, u shndërrua në një ndër ngjarjet më të dhunshme në SHBA ndaj institucioneve publike.
Pesë persona mbetën të vdekur dhe qindra të tjerë u plagosën. Ligjvënësit amerikanë u evakuuan menjëherë nga godina për çështje sigurie. Jo vetëm ligjvënësit, por edhe mediat, akuzuan ish-presidentin si përgjegjës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Turqia do të ndërhyjë në çështjen e gjenocidit të GJND-së kundër Izraelit
-
Dëshmitari i 60-të përfundon dëshminë në Speciale, gjykimi ndaj ish krerëve të UÇK-së vazhdon më 6 maj
-
Berisha i kërkon Gjykatës së Lartë leje për paraqitje në Kuvend
-
Gërvalla: Kosova i ka plotësuar të gjitha kushtet për anëtarësim në KiE