Në një raport të publikuar rishtas, i cili është paraqitur para Kongresit të Shtetet e Bashkuara të Amerikës (SHBA) të enjten, ku flitet për shpenzimet e subjekteve të huaja shtetërore në pronat e ish-presidentit amerikan, Donad Trump, thuhet se zyrtarë të Ministrisë së Punëve të Jashtme të Kosovës (MPJ), kanë shpenzuar afër 5 mijë dollarë për akomodim në hotelet e Trumpit.
Shteti i Kosovës është në mesin e 20 vendeve, qeveritë e të cilave kanë shpenzuar gati 8 milionë dollarë në total në pronat e Trumpit në kohën kur ai drejtonte Shtëpinë e Bardhë. Në raport thuhet se zyrtarë të MPJ-së, përfshirë ministrin e atëhershëm, Behgjet Pacolli, kanë qëndruar në hotelin “Trump International” në Uashington, duke shpenzuar 5 mijë dollarë.
Në bazë të raportit të hartuar nga Partia Demokratike, akomodimi i Pacollit në hotelin e Trumpit ka kushtuar rreth 990 dollarë mes 25 dhe 26 korrikut të vitit 2018, ndërsa qëndrimi i zyrtarëve të tjerë të MPJ-së në periudhën e njëjtë, ka kushtuar 3960 dollarë. Në total, sipas të dhënave të kompanisë “Mazars” për kontabilitet, pagesat nga Kosova kanë qenë 4950 dollarë.
Në këtë listë, përveç shpenzimeve të Qeverisë së Kosovës në pronat e ish-presidentit amerikan, janë përmendur edhe qeveritë e Katarit, Kuvajtit, Indisë, Malajzisë, Afganistanit, Filipineve, Emirateve të Bashkuara Arabe (UAE), Kongos, Kazakistanit, Tajlandës, Qipros, Mongolisë, Libanit, Shqipërisë, Letonisë, Turqisë dhe Hungarisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Intervistë e Albanian Post me Zijadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickovsit
-
Turqia do të ndërhyjë në çështjen e gjenocidit të GJND-së kundër Izraelit
-
Dëshmitari i 60-të përfundon dëshminë në Speciale, gjykimi ndaj ish krerëve të UÇK-së vazhdon më 6 maj
-
Berisha i kërkon Gjykatës së Lartë leje për paraqitje në Kuvend
Lajmet kryesore
-
Intervistë e Albanian Post me Zijadin Selën: “VLEN” fliste për Kurtin në fushatë dhe harruan partitë e tyre, tash e thërrasin zëshëm emrin e Mickovsit
-
Berisha i kërkon Gjykatës së Lartë leje për paraqitje në Kuvend
-
Gjeorgjia në revoltë kundër qeverisë pro-ruse, turma kërkon demokraci
-
Premtimi i Kurtit për Kodin Civil “shpresa e fundit” për t’i shpëtuar presionit për Asociacionin