Kryeministri i Shqipërisë, Edi Rama ka uruar homologun e tij të ri izraelit Benjamin Netanyahu për mandatimin e gjashtë në krye të vendit.
“Urime Bibi Netanyahu në mandatin tuaj të 6-të si udhëheqës i Izraelit. Shpresoj shumë që mençuria dhe përvoja juaj e madhe do të shërbejnë si një vlerë e madhe e shtuar jo vetëm për Izraelin, por edhe për Lindjen e Mesme dhe Evropën!”, shkruan kreu i Qeverisë shqiptare.
Në përmbyllje të mesazhit, Rama i kujton “Bibi-t”premtimin e “pambajtur”.
“Uroj që më në fund të mbani premtimin për të vizituar Shqipërinë”, nënvizon kryeministri shqiptar.
Kujtojmë që Netanyahu u betua të enjten e 29 dhjetorit si lider i asaj që ka të ngjarë të jetë qeveria më e djathtë e vendit në histori.
Netanyahu dhe qeveria e tij u betuan për mandatin e tij të gjashtë si kryeministër, 18 muaj pasi ai u rrëzua nga pushteti.
Ai rikthehet me mbështetjen e disa figurave të ekstremit të djathtë, të cilët dikur ishin futur në skajet e politikës izraelite, pasi formoi një koalicion pak para afatit të javës së kaluar.
Netanyahu bëri betimin pak çaste pasi parlamenti i Izraelit, ose Knesset, miratoi një votëbesim në qeverinë e tij të re të enjten.
Nga 120 anëtarët e parlamentit, 63 votuan pro qeverisë së re, me 54 vota kundër.
Anëtarët e partisë Likud të Netanyahu-t do të okupojnë disa nga postet më të rëndësishme të kabinetit, duke përfshirë ministrin e Jashtëm, ministrin e Mbrojtjes dhe ministrin e Drejtësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bardhi i përgjigjet Ramës: Ke marrë avokat të dobët, i jep urdhra SPAK-ut sepse e ke një hall
-
Komisioni Hetimor për TIMS publikon listën e dëshmitarëve që do të pyeten: Balla, Rrumbullaku e Hyseni mes tyre
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Meta rreshtohet me VMRO dhe ‘parashikon’ fitoren e tyre në Maqedoninë e Veriut
Lajmet kryesore
-
Numërohen afër 95% e votave: “Fronti Evropian” ka 18 deputetë, “VLEN” 13
-
Rama ‘habitet’ me opozitën greke dhe kupton perspektivën e Mitsotakisit për vizitën e tij në Athinë
-
Ahmeti: Jemi fitues me mbi 30 mijë vota, qytetarët janë për anëtarësim në BE
-
O’Brien, Escobar e Lajçak “diskutim të rëndësishëm” mbi strategjinë për të çuar përpara Kosovën e Serbinë në dialog