Qeveria nuk mposhtet me retorikë boshe – kemi 3 prioritete për aksionin opozitar, thotë Alibeaj
Me nisjen e sesionit të ri parlamentar, grupi i Partisë Demokratike ka mbajtur këtë të hënë një deklaratë për prioritetet e kësaj partie.
Deputeti demokrat, Ekelejd Alibeaj deklaroi se është koha që opozita të fokusohet tek problemet e qytetarëve.
“Propozojmë prioritete tona mbi tre shtylla: Reforma legjislative, mbrojtja interesave të qytetarëve dhe kontrolli parlamentar”.
Në përfundim të mbledhjes me deputetët që e rikonfirmuan si kryetar grupi, Alibeaj bëri me dije se do të çojë në Gjykatën Kushtetuese bordet për rregullimin e çmimeve.
Ndër të tjera ai tha se “ishim në një konflikt me veten”.
“Është momenti që të fokusohemi vetëm te problemet e qytetarëve. Zgjidhja është rruga për t’i bindur shqiptarët që zgjidhja jonë është e duhura. Arroganca e qeverisë mposhtet me ofertë, jo retorikë boshe, me distancimi real, jo me selektivitetin dhe lojëra interesash”.
Në prezantimin e reformës legjislative, Alibeaj theksoi se reforma Zgjedhore dhe Reformën Administrativo-Territoriale janë thelbësore për mbrojtjen e interesit të qytetarëve.
“Garantimi i zgjedhjeve të lira dhe të ndershme, dhe një ndarje administrative që i përputhet nevojës për shërbime ndaj qytetarëve, janë parakushte që pushteti i ri lokal të jetë produkt i vullnetit të qytetarëve dhe në 4 vitet e ardhshme t’i përgjigjet vetëm interesit të qytetarëve”.
Deputeti demokrat ravijëzoi se reforma për dekomunistizimin e shoqërisë do të jetë gjithashtu në fokus.
“Katër iniciativat ligjore të Grupit Parlamentar të PD, si hapja e plotë e dosjeve të ish-sigurimit të shtetit; ndalimi i simboleve të komunizmit; lustracioni i plotë i jetës politike dhe publike; si dhe krijimi i muzeve të kujtesës kolektive, janë nisma që do të jenë prioritet i yni”.
Gjithashtu, “reformat Antikorrupsion dhe lufta ndaj Krimit të Organizuar”, ka nevojë urgjente për ndërhyrje.
“Ne do të mbështesim çdo propozim që e forcon SPAK, që çon përpara zbatimin e Reformës në Drejtësi dhe shmang kapjen politike të drejtësisë”.
Ndërsa, mbrojtja e interesit të qytetarëve, sipas tij do të realizohet nëpërmjet paketës ekonomike dhe energjike, paketës së interesit kombëtar.
“Grupi Parlamentar i PD në përmbushje të përgjegjësisë së tij për të ushtruar kontroll parlamentar mbi aferat e Qeverisë, do të nisë sesionin e ri parlamentar duke pasur parasysh suksesin e merituar të Komisionit të Inceneratorëve”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Në 6-mujorin e dytë norma e inflacionit mbeti mbi nivelin e synuar të BSH-së
-
Rama nga impianti i Ferrokromit: Sistemi i filtrimit, 2 milionë euro investim
-
Borrelli thotë se Ballkani Perëndimor ka shansin historik për të lidhur të ardhmen me BE-në
-
Askujt s’iu kërkua ndonjëherë përmbushja e kaq shumë parakushteve sikurse Kosovës, thotë Bakoyannis