Paul Pogba iu bashkua skuadrës së Juventus-it për turneun e tyre parasezonal në Shtetet e Bashkuara të Amerikës, por ai nuk po stërvit me shokët e tij të skuadrës.
30-vjeçari francez nuk pati një rikthim pozitiv në Torino sezonin e kaluar, duke humbur pjesën më të madhe të sezonit për shkak të lëndimeve të ndryshme.
Në total, Pogba luajti vetëm 161 minuta në 10 paraqitje, një shumë e ulët duke marrë parasysh se ai fiton mbi 8 milionë euro neto në sezon.
Siç theksohet nga gazetari i njohur italian, Gianluca Di Marzio, Pogba nuk po stërvitet me skuadrën e Juventus-it në SHBA, përkundrazi vazhdon të kryejë punë individuale në palestër, në biçikletë stërvitore ose në fushë.
#Juventus, #Pogba si allena a parte negli Stati Uniti: le sue condizioni https://t.co/m2XzZJ3ylS
— Gianluca Di Marzio (@DiMarzio) July 23, 2023
Ai po lufton me një problem në gju për një vit tani dhe është ende e paqartë se kur do të kthehet në gjendje të plotë.
Ajo që është e dukshme është se ai nuk do të jetë 100 për qind për hapjen e sezonit të Serie A kundër Udinese muajin e ardhshëm.
Për këtë, Massimiliano Allegri po përpiqet të gjejë një alternativë dhe po provon të riun Kenan Yildiz.
Kujtojmë që në kohët e fundit Pogba ishte i lidhur edhe me një transferim në Arabinë Saudite.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com