Ish-presidentët amerikanë Barack Obama dhe Bill Clinton do të jenë pjesëmarrës në ceremoninë e inaugurimit të presidentit të zgjedhur, Joe Biden.
Ata i bashkohen kështu konfirmimit që ka dhënë disa ditë më parë, ish-presidenti George W. Bush. Presidenti në ikje, Donald Trump, nga ana tjetër, pohoi se nuk do të jetë pjesë e inaugurimit të Biden-it.
Ish-presidentët, do të jenë të shoqëruar nga gratë e tyre në ceremoni. Një burim i afërt i ish-sekretares së Shtetit, Hillary Clinton, bëri me dije se ajo do të marrë pjesë në ceremoni. E njëjta gjë edhe me ish-zonjën e parë, Michelle Obama.
Laura Bush, bashkëshortja e ish-presidentit Bush, ka konfirmuar që më parë praninë e saj. Zonja e parë aktuale, Melania Trump, është raportuar se nuk do jetë pjesë e inaugurimit.
Çifti presidencial Trump, do të zhvendoset në rezidencën qeveritare Mar-a-Lago, në Florida. Destinacioni i tyre, gjithsesi, mund të ndryshojë në ditët në vijim.
Isht-presidenti Jimmy Carter, i cili është 96 vjeç, nuk do të udhëtojë drejt Washington-it për shkak të gjendjes së tij shëndetësore dhe situatës me Covid.
Pjesëmarrja e presidentit në largim në ceremoninë e inaugurimit të pasardhësit, është zakonore në SHBA. Trump, do të jetë presidenti i parë në 150 vite që e thyen këtë traditë.
Inaugurimi i Biden-it do të ketë një numër të limituar të ftuarish për shkak të situatës me Covid. Ndikim në këtë vendim, kanë pasur dhe ngjarjet e fundit në Capitol./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Finalja e Superiores do të arbitrohet nga Anthony Taylor
-
Opozita sllovake shpreson se votimi evropian do ta frenojë kryeministrin populist
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
