![](https://albanianpost.com/wp-content/uploads/2023/08/traficku.jpg)
Qendra Kombëtare për Menaxhim Kufitar ka njoftuar të enjten se pritjet për të hyrë në Kosovë nëpërmjet pikës kufitare Dheu i Bardhë janë deri në 5 minuta, ndërsa për të dalë nga Kosova përmes kësaj pike pritjet janë deri 1 orë e 30 minuta.
Në raportin e përditësuar të Qendrës Kombëtare për Menaxhim Kufitar, bëhet me dije se për të hyrë në Kosovë nëpërmjet pikës kufitare Dheu i Bardhë nuk ka kolona të veturave, kurse për të dalë nga Kosova, kolona e veturave është deri 300 metra.
![](https://albanianpost.com/wp-content/uploads/2023/08/pikekalimi.png)
Ndërkaq, pritjet për të hyrë në Kosovë nëpërmjet pikës kufitare në Merdarë janë deri në 10 minuta, ndërsa për të dalë nga Kosova përmes kësaj pike pritjet janë deri në 1 orë e 20 minuta. Kolona e veturave për të dalë nga Kosova është 300 metra.
Në pikat tjera kufitare – Qafë e Prushit, Qafë e Morinës, Kullë, Muçibabë, Hani i Elezit, Mutivodë, Bërnjak, Glloboqicë, Stançiq, Vërmicë, Hani i Elezit – pritjet për hyrje-dalje janë deri në 5 minuta, ndërsa nuk është raportuar për kolona të veturave.
Ardhja e diasporës kosovare për t’i kaluar pushimet veriore në atdhe dhe kthimi i tyre në shtetet ku jetojnë, ditëve të fundit ka rikthyer kolonat dhe pritjet e gjata në kufij, veçanërisht në Merdarë dhe te Dheu i Bardhë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Lab Oil” shpallet importuesi më i madh i produkteve amerikane
-
IKD: Kurti refuzoi t’u përgjigjet pyetjeve parlamentare për herë të parë në histori, qasja e tij ofenduese e përjashtuese
-
Hartwell: Llogaridhënia për mizoritë e luftës në Kosovë qëndron mbi supet e Vuçiçit
-
Bislimi e Petkoviç takohen në Bruksel për “hapa konkretë” drejt zbatimit të marrëveshjes