![](https://albanianpost.com/wp-content/uploads/2022/10/Xhelal-Svecla-konference-foto-Ridvan-Slivova-1-e1630915051434.jpg)
Ministri i Punëve të Brendshme, Xhelal Sveçla, e ka paralajmëruar presidentin e Serbisë, Aleksandër Vuçiç se nëse futet në Kosovë pa leje, do të arrestohet.
“Nëse është nisur pa kërkesë te Ministria jonë e Punëve të Jashtme dhe Diasporës, edhe ne po e presim të vijë dhe mandej mund ta vizitoni në burg, ku ai i ka tashmë disa miq të tij”, ka shkruar Sveçla në Facebook.
Ky reagim i kreut të MBP-së ka ardhur pasi në katër komunat në veri të Kosovës, mëngjesin e kësaj të diele janë shfaqur posterë me imazhin e presidentit të Serbisë, Aleksandër Vuçiç, në të cilët shkruhet “Komandant Suprem, ju presim”.
“Komandant Suprem, ju presim”, në Veri shfaqen posterë me imazhin e Vuçiç-it
Zëvendësdrejtori i Policisë për rajonin e Veriut, Veton Elshani, konfirmoi se autoritetet kanë hapur rast për “nxitje të urrejtjes”.
“Në disa lokacione në katër komunat në veri të vendit janë shpërndarë pamflete me fotografinë e kryetarit të Serbisë. Pas konsultimit me Prokurorin e Shtetit është hapur rasti për nxitje të urrejtjes”, tha Elshani për Albanian Post.
Sipas Elshanit, nuk ka persona të dyshuar për vendosjen e këtyre posterëve, por “policia po punon në drejtim të ndriçimit të rastit”.
Por, kjo nuk është hera e parë që në Veri shfaqen postierë dhe grafite provokuese. Vitin e kaluar, ishin shfaqur grafite ku shkruante “Kur ushtria të kthehet në Kosovë”.
Mesazhi i grafitit është pjesë e një kënge turbo-folk të kënduar nga mitropoliti Amfilohije i Kishës Ortodokse Serbe dhe peshkopi Atanasije, ndërsa këtë mesazh e kanë shfaqur para dy jave tifozët e klubit futbollistik “Crvena Zvezda (Ylli i Kuq)” në Beograd.
E njëjta ishte shfaqur edhe në Banja Llukë – qyteti i dytë më i madh në Bosnje-Hercegovinë dhe kryeqyteti politik i entitetit serb – afër rrugës kryesore që të çon në Prijedor, atje ku janë kryer disa prej krimeve më të rënda gjatë luftës më 1992-1995.
Edhe në të kaluarën ka pasur mesazhe urrejtjeje tmerruese kundër shqiptarëve dhe Kosovës. Ndërsa thirrjet nacionaliste dhe irredentiste serbe sikurse ajo “Kosova është zemra e Serbisë” gjejnë ende mënyra për t’u shfaqur.
Koreografia luftënxitëse e shfaqur nga huliganët serbë të futbollit, ishte identike edhe me atë të shfaqur vitin e kaluar në një park lojërash për fëmijë në qendër të Beogradit, saktësisht në muret e Institutit për Kimi, Teknologji dhe Metalurgji.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ulutas e Zupançiç diskutojnë mbi situatën e sigurisë në Kosovë
-
“S’ka bazë ligjore”, “për efekte elektorale”, “me letra s’arrihet rezultat”, thonë juristët për kërkesën e Haxhiut ndaj Serbisë
-
Kurti uron Kryeministrin e ri të Holandës: Mezi pres të vazhdojmë bashkëpunimin
-
Selmanaj, Kurtit: Pse u dorëzove kaq shpejtë, kushtet e tua s’qëndruan as një javë
Lajmet kryesore
-
Ceremoni Shtetërore për nderimin dhe përcjelljen e fundit të Kadaresë
-
Begaj pritet nga presidenti polak: Të interesuar për më tepër investime në infrastrukturë dhe turizëm
-
Melénchon dhe ambiciet prej kryeministri që shqetësojnë aleatët në të majtë
-
Çfarë “zararesh” mund të presë Kosova nga presidenca hungareze e BE-së?