Ndryshimet klimatike dhe ariu hibrid ‘grolar’

National Geographic i ka kushtuar një artikull species së re, ariut grolar, i cili është hibridi i arinjve polarë me arinjtë kafe.

Si rezultat i emergjencës globale të klimës, specie të ndryshme janë zhvendosur nga habitatet e tyre natyrore. Ndoshta më të prekurit e efekteve klimatike janë arinjtë polarë që, duke humbur akullnajat në veri, u është dashur të lëvizin në gjerësitë gjeografike të tjera më jugore.

“Blloqet e akullit në Arktik po dobësohen ditë pas dite. Për këtë arsye, në kërkim të ushqimit dhe një shtëpie më të sigurt, arinjve polarë u është dashur të migrojnë në jug. Gjatë rrugës së tyre, ata kanë hasur arinj të thinjur – (Ursus arctos horribilis) një nëngrup i arinjve kafe – të cilët përgjithësisht banojnë në tundrat veriore”, përshkruan National Geographic.

Ndërsa dy speciet kryqëzohen, pasardhësit e tyre zgjerohen. Sipas shkencëtarëve që i kanë vëzhguar, karakteristikat e të dy arinjve mund t’u japin atyre një avantazh ndaj specieve të tjera.

Një shembull është se si ato mund të jenë më rezistente ndaj ndryshimeve të temperaturës në mjedis.

Sipas Larisa DeSantis, paleontologe dhe profesore e asociuar e shkencave biologjike në Vanderbilt të Universitetit të Tenesit, “grolar” (grizzly dhe polar) – emërtimi me të cilin identifikohet specia e re – do të bëhen pjesë e faunës.

Përveç kësaj, duket se këto hibride kanë kafkat më të zgjatura, çka u lejon atyre t’i kapin pretë e tyre më lehtë në det.

Një aspekt negativ, sipas DeSantis, është se dhëmballët e tyre janë shumë të vegjël: kjo i kushtëzon ata të hanë vetëm dhjamë, ndryshe nga arinjtë e thinjur, të cilët janë gjithçka ngrënës.

Ekziston një regjistër që, si rezultat i eksodit të detyruar të arinjve polare në jug, që nga viti 2006 ka pasur ekzemplarë aktivë të arinjve hibridë në botë.

Ata u identifikuan për herë të parë në Kanada, pranë Arktikut Veriperëndimor. Pellushi me ngjyrë kremi, forma e kokës, thonjtë e zgjatur dhe shpina e kërrusur i dallon ata nga arinjtë kafe.

Aktualisht, këto hibride jetojnë në botën e egër dhe numri i tyre është në rritje. Për më tepër, kjo tendencë përkon me humbjen e popullatave të ariut polar në veri.

Sipas Biology Letters, nëse ndryshimi i klimës nuk kthehet – ose mbahet nën kontroll – në tri dekadat e ardhshme, rënia do të shqiptohet me 30%, për shkak të konkurrencës gjithnjë e më të fortë për burimet në dispozicion.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.