“Corriere dello Sport” bën të ditur se Napoli do të konfirmojë zyrtarisht largimin e trajnerit të tyre, Luciano Spalletti-t, pas ndeshjes së fundit të sezonit kundër Sampdoria-s.
Trajneri 64-vjeçar italian bëri të pamundurën në Napoli këtë sezon, duke thyer një pritje 33-vjeçare duke e drejtuar klubin te fitimi i titullit kampion pas kësaj kohe të gjatë.
Suksesi i Spalletti-t dhe Napolit ndezi skena të mëdha festimi në të gjithë kryeqytetin e Campania-s, por në javët e fundit tensionet kanë filluar të krijohen mes trajnerit dhe presidentit Aurelio De Laurentiis.
Trajneri i Napolit e konfirmoi praktikisht vendimin e tij për t’u larguar kur foli pas fitores 3:1 ndaj Interi-t.
“Nëse nuk jeni të bindur se mund të jepni gjithçka që meritojnë këta njerëz, është e drejtë ta mendoni mirë. Ju e mendoni mirë, arrini në një përfundim dhe më pas qëndroni me të”, kishte thënë Spalletti pas ndeshjes të së dielës ndaj Inter-it.
Edhe pse ai është me Napolin që nga korriku i vitit 2021, 64-vjeçari nuk ka blerë një shtëpi në kryeqytetin e Campania-s dhe ka jetuar në hotele dhe terrene stërvitore që nga mbërritja e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
‘Kuvendi shkeli ligjin për votën e Diasporës’, Alibeaj: Çështja duhet të shkojë në SPAK
-
Versioni i Trump: Sërish dhunë nëse nuk fitoj? Varet
-
Shqipëria drejt prodhimit të dokumenteve digjitalë të identifikimit