Dejan Jankoviç, zëvendësdrejtor i Policisë së Kosovës, ndaj të cilit autoritetet serbe caktuan masën e paraburgimit prej 48 orësh nën akuzën për prishje të rendit kushtetues të Serbisë, tashmë është liruar dhe ndodhet rrugës për në Kosovë, konfirmoi të enjten në mbrëmje Ministria e Punëve të Jashtme dhe Diasporës (MPJD) nëpërmjet një komunikatë për shtyp.
“MPJD njofton opinionin e gjerë publik se përfaqësuesi i zyrës së Republikës së Kosovës në Serbi, ambasadori Jetish Jashari, ka konfirmuar se zëvendësdrejtorit i Policisë së Kosovës, Dejan Jankoviç, sapo është liruar dhe ndodhet rrugës për në Kosovë. Në vijim do të njoftoheni për më shumë detaje”, thuhet në njoftimin e MPJD-së në orët e vona të së enjtes.
Jankoviç ishte në mesin e 10 zyrtarëve policorë që u ndaluan nga autoritetet serbe të mërkurën e 17 prillit 2024. Serbia ndaloi mbi 1 mijë e 400 kosovarë, teksa kalonin transit nëpër territorin e Serbisë. Departamenti amerikan i Shtetit (DASH) i bëri thirrje Serbisë të vetëpërmbahet nga veprimet e njëanshme përshkallëzuese dhe t’i lirojë kosovarët e ndaluar.
Kryeministri i Kosovës, Albin Kurti, deklaroi se ndalimi dhe maltretimi i shtetasve të Kosovës u bë në shenjë hakmarrjeje pas votës dërrmuese në favor të Kosovës në Asamblenë Parlamentare të Këshillit të Evropës për anëtarësimin e vendit në këtë organizatë të rëndësishme ndërkombëtare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjeorgjia në revoltë kundër qeverisë pro-ruse, turma kërkon demokraci
-
Lejoi ndërtimin pa leje të objektit në pronësi të Gëzim Çelës, Gjykata lë në burg drejtorin e IMT-së
-
Votohet kryesia e re e Partisë së Lirisë
-
Reforma Zgjedhore, Klosi: Besoj se Parlamenti do të ketë vullnetin për të realizuar disa problematika
Lajmet kryesore
-
Në 6-mujorin e dytë norma e inflacionit mbeti mbi nivelin e synuar të BSH-së
-
Reforma Zgjedhore, Klosi: Besoj se Parlamenti do të ketë vullnetin për të realizuar disa problematika
-
Gjeorgjia në revoltë kundër qeverisë pro-ruse, turma kërkon demokraci
-
Kurti takon nënkryetaret serbe të komunave veriore, diskutojnë për lirinë e asociimit