Mbrojtësi polak, Jakub Kiwior, do të jetë transferimi më i fundit i skuadrës së Arsenal-it.
Siç raportohet në mediat italiane, klubi i Spezia-s ka rënë dakord me ofertën e anglezëve për ta transferuar Kiwior-in në Londër.
Transferimi pritet të mbyllet në ditët në vijim me Spezia-n që do të përfitojë 25 milionë euro plus 5 të tjera në formë të bonuseve për futbollistin e tyre.
Para pak ditësh, Spezia kishte refuzuar 22 milionë euro nga Dortmund-i për qendërmbrojtësin e tyre, derisa mediat në Itali raportojnë se po ashtu u refuzuan oferta nga Atletico Madrid, Leipzig e Leicester.
TMW – Retroscena Kiwior, ecco le 5 offerte rifiutate dallo Spezia. Prima del sì all'Arsenal https://t.co/Gs2sFnbCgS
— TUTTOmercatoWEB (@TuttoMercatoWeb) January 23, 2023
Kujtojmë që 22-vjeçari ka pasur paraqitje shumë të mira me klubin e tij italian, gjë që kanë bërë që të ftohet në kombëtaren e Polonisë dhe të jetë një titullar i padiskutueshëm.
Ai ishte pjesë e kombëtares së tij edhe në Kupën e Botës në Katar,, ku në katër ndeshjet e polakëve luajti si titullar.
Kiwior është pjesë e Spezia-s që nga vera e vitit 2021, kur u transferua nga klubi sllovak, Zilina, për shumën e 2.2 milionë eurove.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
