Lajme

Lajme

Mbi 300,000 banorë pa energji elektrike, pas stuhisë së madhe dimërore në SHBA

Nga Jon Haxhiu

4 Shkurt 2022 / 14:15

Më shumë se 300,000 klientë nga Teksasi në Pensilvani mbetën pa energji elektrike të enjten mbrëma, pasi një stuhi e madhe dimërore vazhdoi të lëvizte në lindje nëpër Shtetet e Bashkuara, duke sjellë shumë borë.

Shërbimi Kombëtar i Motit paralajmëroi për kushte “të pamundura” të udhëtimit dhe autoritetet lokale u kërkuan njerëzve të qëndrojnë jashtë rrugës.

Më shumë se 90 milionë amerikanë nga Teksasi në kufirin verior të Maine u përfshinë në paralajmërimet për stuhi dimërore dhe stuhi akulli.

Në ajrin e ngrohtë dhe të paqëndrueshëm në juglindje, stuhi të forta shpërthyen në disa pjesë të Mississippi dhe Alabama të enjten pasdite, duke shkaktuar paralajmërime të shumta për tornado.

Një person u vra dhe të paktën tetë u plagosën kur një “tornado e madhe dhe jashtëzakonisht e rrezikshme” kaloi përmes Sawyerville, rreth 30 milje në jugperëndim të Tuscaloosa.

Në ajrin e ftohtë në perëndim dhe veri, bora, akulli dhe temperaturat e ngrira penguan trafikun deri në Austin dhe në anën perëndimore të Houston-it.

Për shkak të grumbullimit të akullit në pemë dhe linja elektrike, numri i ndërprerjeve të energjisë në Tenesi ishte rritur në 135,000 të enjten mbrëma, ku shumë prej tyre ishin pranë Memphis ku kryetari i bashkisë Jim Strickland shpalli gjendje të jashtëzakonshme.

Akulli në Memphis ishte gjithashtu shkak i një aksidenti ku u përfshinë 16 automjete, ku u plagosën 6 persona.

Rreth gjysmë centimetër akulli ishte grumbulluar në pemë në Memphis, të cilat u këputën nën peshën e saj. MLGË, shoqëria lokale, tha se rivendosja e energjisë elektrike mund të “dua ditë”.

Numrat e ndërprerjeve të energjisë elektrike po rriteshin gjithashtu në Ohio (76,000), Virginia Perëndimore (22,000) Pensilvani (22,000).

Në Teksas, Arkansas dhe Kentucky, numrat e ndërprerjeve të energjisë eleketrike arritën kulmin

Në Kentucky, disa nga zonat më të goditura nga ndërprerjet e energjisë elektrike të enjten ishin ndër të njëjtat të shkatërruara nga shpërthimi vdekjeprurës i tornados në dhjetor.

Udhëtimet ajrore në mbarë vendin u anuluan për shkak të stuhisë së madhe. Pati më shumë se 5,500 anulime dhe 3,300 vonesa, sipas faqes së internetit, FlightAware – me së shumti të përqendruara në Teksas.

Më shumë se 1,100 fluturime që niseshin ose ishin planifikuar të mbërrinin në Aeroportin Ndërkombëtar të Dallas Fort Worth u anuluan. Aeroporti postoi më herët në Twitter se pistat po trajtoheshin për borë dhe akull. Më shumë se 400 fluturime të kombinuara u anuluan në Aeroportin Ndërkombëtar Austin-Bergstrom dhe më shumë se 350 u anuluan në Dallas’s Love Field.

4700 fluturime u anuluan të enjten pasi stuhitë e dimrit goditën në jug të SHBA-ve.

Reshjet e akullta të enjten u përqendruan në një brez nga Teksasi afërsisht lindor në Pensilvaninë perëndimore.

Në veri, reshjet e dendura të borës, të paktën 15 cm, bllokuan St. Louis, Indianapolis e Cleveland, dhe  u projektua se reshjet nuk do ndalen deri të premten.

Shërbimi Kombëtar i Motit paralajmëroi për kushte të rrezikshme rrugore në të gjithë zonat e prekura, për të cilat tha se ndoshta do të ketë temperatura shumë nën mesatare për të paktën dy ditët e ardhshme.

Pjesë të luginës së lumit Misisipi dhe Rrafshinave të Mëdha mund të regjistrojnë temperatura 20 deri në 40 gradë nën mesataren, tha Shërbimi i Motit. Ai e quajti stuhinë “të madhe dhe se do zgjatë”.

Reshjet e ngrira më në fund po zvogëloheshin në Teksas, Arkansas dhe Tennesy perëndimor gjatë natës të së enjtes.

Shërbimi i motit lëshoi një lajm të posaçëm për Ohio-n Jugore në Pensilvaninë perëndimore duke paralajmëruar se “stuhitë dimërore mund të vazhdojnë gjatë orëve të natës”. Deri në pesë centimetra breshër dhe rreth 1 centimetër akulli ishin grumbulluar tashmë në rajon, ku ndërprerjet e energjisë elektrike po rriteshin.

Në veri, borë e qëndrueshme po binte në një zonë të gjerë nga Columbus deri në Buffalo në Burlington.

Ndërkohë, shiu i përmbytjeve ka rënë në anën e ngrohtë të sistemit në jug të thellë, me vërshime të shpejta në Alabama veriore, Gjeorgjia verilindore, Tenesi juglindor dhe Karolina e Veriut jugperëndimore.

Reshjet më të konsiderueshme të akullta do të zhvendosen nga Lugina e Tenesit në Virxhinia Perëndimore dhe në Pensilvaninë perëndimore dhe qendrore gjatë natës të së enjtes.

Pittsburgh, State College dhe Allentown, mund të kenë reshje bore së shpejti.

Zonat në veriperëndim të qytetit të New York-ut në Luginën Hudson mund të shohin kushte të akullta edhe të premten në mëngjes.

Bora më në fund duhet të përfundojë më pak në pjesën më të madhe të Midwest të enjten natën, por të vazhdojë në Ohio deri në mëngjes.

Pensilvania veriperëndimore, New York-u në pjesën e sipërme përreth Liqeneve dhe Vermont do të shohin reshjet e borës të vazhdojnë edhe deri të premten.

Bora që hyri në Maine dhe New Hampshire të enjten pasdite mund të vazhdojë deri në mbrëmjen e së premtes.

Akti i fundit i stuhisë pritet të vie të Premten në New England lindore, kur shiu i mëngjesit do të kalojë në breshër, dhe të gjitha temperaturat bien në -20 gradë gjatë mbrëmjes.

Përpara stuhisë, guvernatori i Teksasit, Greg Abbott (R) tha të mërkurën se “askush nuk mund të garantojë” se nuk do të ketë ndërprerje të energjisë gjatë testit të parë të rëndësishëm të rrjetit të energjisë të shtetit, një vit pasi një ngrirje historike vrau qindra banorë.

Numri i ndërprerjeve që nga e enjtja ishte “sigurisht një shqetësim, por jo aq i madh për sa i përket asaj që mund të prisni nga një stuhi me erë dhe akulli”, tha Michael Webber, një profesor i burimeve të energjisë në Universitetin e Teksasit në Austin. .

Ndërprerjet vitin e kaluar u shkaktuan kryesisht nga një “disbalancim masiv midis ofertës dhe kërkesës”, tha ai, por e enjtja dukej e nxitur nga era ose akumulimi i akullit që mund të rrëzojë pemët.

Guvernatori i Teksasit thotë se “askush nuk mund të garantojë” se nuk do të ketë ndërprerje të energjisë në stuhinë e dimrit

Daniel Cohan, profesor i asociuar i inxhinierisë mjedisore në Universitetin Rice në Houston, tha se ndërprerjet e së enjtes ishin lokalizuar, “të cilat kudo në botë mund të ndodhin kur të ketë një stuhi akulli dhe të rrëzojë degët e pemëve dhe të prekë linjat e energjisë lokale”.

Përpara stuhisë së dimrit, rrjeti shtetëror i Teksasit raportoi se njësitë e tij të prodhimit të energjisë elektrike dhe objektet e transmetimit kishin përmbushur standardet e reja. Webber tha se inspektime të tilla dhe investime për dimërimin do të kenë qenë tashmë të dobishme, “por sistemi nuk është testuar ende”.

“Kjo stuhi nuk do të jetë aq e ftohtë për aq kohë sa në një zonë të gjerë sa vitin e kaluar,” tha ai. “Pra, nuk është i njëjti lloj testi. Është një stuhi më e thjeshtë, më e butë në shumë mënyra dhe pajisjet duhet të jenë në gjendje më të mirë.”

Në ditët në vijim, tha Webber, do të jetë e dobishme të monitorohet se sa ftohtë bëhet në Houston. Qyteti më i madh i shtetit do të diktojë kryesisht nivelin e kërkesës për energji. Ai tha se është gjithashtu i interesuar se si sistemet e gazit dhe rajonet prodhuese të gazit përballojnë të ftohtin dhe se si kjo do të ndikojë në furnizimin me gaz.

Bora ishte grumbulluar në nivele mbresëlënëse dhe shkatërruese gjatë natës së së enjtes, me dhjetëra vendndodhje që regjistronin akumulime dyshifrore.

Ngjarja e akullit që po ndodhte e vonoi borën me rreth 12 orë, por totali u rrit me përparimin e së enjtes.

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com
  • bresher
  • kriza me energji elektrike
  • Rreshje bore
  • akull
  • Shtetet e Bashkuara të Amerikës
  • tornado

    • Të fundit nga rubrika

    Lajmet kryesore

    Më të shikuarat

    AP siguron pamje të reja – si u rrah lideri i “Intelektualëve” me grushte e karrige nga drejtori i FC Dritës, Valon Zymberi me disa persona të tjerë

    4d Video

    Raportimet e Albanian Post – PSD dorëzon kallëzim penal ndaj Liburn Aliut e Naser Hafizit

    5d Lajme

    “Afera e ambalazhuesve”, Selmanaj: Prokuroria urgjentisht të fillojë çmontimin e kësaj skeme korruptive dhe kriminale

    5d Lajme

    Raportimet e Albanian Post – PSD përuron “çeshmen e milionerëve” për nder të Liburn Aliut

    5d Lajme