Machine Gun Kelly pranon se është sfiduar me kohë të vështira para publikimit të këngës së re

Epoka e re e Machine Gun Kelly (MGK) po vjen, kjo pasi që rep artisti publikoi një baladë të re tronditëse, të titulluar “Don’t let me go” – veç një ditë pasi u bë viral për postimin e fotove me bustin, krahët dhe gjoksin e mbuluar me ngjyrë të zezë tatuazhesh.

Fnsat ishin të befasuar nga shfaqja e re e MGK me tatuazhet që mbulojnë një sipërfaqe bukur të madhe të trupit të tij, teksa vet ai tha përmes Instagramit se ishte “vetëm për qëllime shpirtërore”.

Natyrisht, kompozitori – i cili ka qenë i zëshëm për betejat e tij me shëndetin mendor në të kaluarën – përdori muzikën e tij për të ofruar njëfarë qartësie, duke u thënë fansave se ishte rezultat i “një avari”.

“Kohët e fundit mendimet e mia më hanë të gjallë, u shtrinë në shtrat duke menduar se ndoshta urrejtja më në fund do të zhduket nëse nuk jam gjallë”, këndon MGK në këngën e re, emri i vërtetë i të cilit është Colson Baker.

Në videoklipin muzikor shoqërues, të drejtuar nga Sam Cahill, një MGK i zymtë përveshi mëngët e këmishës së tij bardh e zi për të zbuluar veprën e freskët të artit, shkruan PageSix, transmeton AlbanianPost.

“Përsëri rrëshqitje, ja ku po rrëshqas përsëri. Po veproj përsëri ndryshe. Unë shoh reflektimin e familjes sime sa herë që shikoj në filxhan dhe e pi përsëri”, këndon ai tutje.

Përgjatë këngës, MGK trajton gjithashtu ulje-ngritjet e marrëdhënies së tij me të fejuarën Megan Fox, një abort spontan, vdekjen e babait të tij, mendimet për vetëvrasje, presionin e vazhdueshëm që ai ndjen si artist dhe më shumë.

Ndërkohë, Fox, kohët e fundit zbuloi tatuazhin e saj të ri – një mëngë “të ripërpunuar” me zogj dhe lule – në një festë pas ceremonisë së “Grammy 2024” në fillim të këtij muaji.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.