Lloris: Nuk do ta mbaj shiritin e kapitenit me ngjyrat e LGBT

Kapiteni i Francës, Hugo Lloris, ka thënë se nuk do ta mbajë shiritin e kapitenit me ngjyrat për të përkrahur komunitetin LGBT.

Në një komunikatë për media gjatë grumbullimit me Francën, Lloris tha se do të respektoj rregullat e vendit mikpritës të Kupës së Botës, Katarit.

“Kur mirëpresim të huajt në Francë, shpesh duam që ata të respektojnë rregullat tona dhe të respektojnë kulturën tonë”, tha Lloris.

Hugo LLoris, on the LGBTQ+ captain armband: 🗣 "I have my personal opinion. When we welcome strangers in France, we often want them to comply with our rules and requirements. I will do the same in Qatar. I have to show respect for that." 🏳️‍🌈 pic.twitter.com/Nji2RNExKU

— SPORTbible (@sportbible) November 15, 2022

“Të njëjtën gjë do të bëj kur të shkoj në Katar. Mund të pajtohem ose jo, jam dakord me idetë e tyre, por duhet të tregoj respekt”, shtoi portieri i Tottenham-it.

Kujtojmë që në këtë Botëror që do të fillojë të dielën në Katar, janë ndaluar disa gjëra për shkak të rregullave të vendit arab.

Një ndër to ishte edhe ndalesa e reklamimit, apo përkrakhjes së komunitetit LGBT.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.