Konjufa: Me Asociacionin nuk na duhet as njohja nga Serbia, Borrel s’duhet të na bëjë presion
“Me themelimin Asociacionin të komunave serbe nuk na duhet as njohja nga Serbia”.
Kështu ka thënë të mërkurën në Klan Kosova, kryetari i Kuvendit të Kosovës, Glauk Konjufca.
“Strukturat që do të krijohen do të rrisin autonominë e Zajednicës dhe jo sovranitetin e Kosovës”, tha Konjufca.
Ai theksoi se “jemi në një pozitë kur shefi i Diplomacisë së Bashkimit Evropian, Josep Borrell, në konferencë me kryeministrin tonë, Albin Kurti, e thotë se ne as nuk mund të ecim tutje pa e zbatuar Zajednicën.
“Qasja e Serbisë për këtë është që për ato që kemi nënshkruar ne jemi në borxh dhe për të mbërritur në zero duhet të zbatojmë Asociacionin e pastaj ata të mendojnë për njohjen e këso gjëra”.
Konjufca deklaroi se askush nga Bashkimi Evropian e as Borrell nuk duhet t’i bëjë presion Kosovës për Asociacionin.
“Serbia atë marrëveshje e konsideron si marrëveshje që e ka bërë kinse prej Kushtetutës së vet me një provincë të vetën sipas mendimit të tyre.
“Kjo problematikë nuk e ka kornizën e qartë të marrëveshjes ndërkombëtare dhe kurrkush se ka të drejtën me na bo presion nga Bashkimi Evropian dhe as Borrelli që e bën këtë presion që Kosova po bën gabim që s’po e respekton këtë marrëveshje”.
Më 7 dhjetor Kryeministri i Kosovës, Albin Kurti, dhe Përfaqësuesi i Lartë për Politikë të Jashtme i BE-së, Joseph Borell, pas mbledhjes së katërt të Këshillit të Stabilizim-Asociimit, shprehën haptazi kundërshtimet mes vete në lidhje me themelimin e Asociacionit të Komunave me shumicë serbe.
Borell, ishte i prerë në atë se “Asociacioni i Komunave Serbe duhet të implementohet, sepse do të jetë pjesë integrale e marrëveshjes së ardhme gjithëpërfshirëse të normalizimit të marrëdhënieve mes Kosovës dhe Serbisë”.
“Çfarë kam për të thënë kur është puna te Asociacioni i Komunave me shumicë serbe, është ajo çfarë kam thënë në disa raste gjatë këtij takime dhe para këtij. Themelimi i Asociacionit është pjesë e marrëveshjes së Brukselit”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani takon Hovenierin: Vazhdimi i masave është i padrejtë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen
-
Mujanoviç: S’ka asnjë argument logjik, ligjor apo politik për ta mbajtur Kosovën jashtë Këshillit të Evropës
-
“Borrell i vendosi masa Kosovës pa një vendim të Këshillit Evropian, ndërsa tash kërkon konsensusin e 27-të vendeve anëtare”
Lajmet kryesore
-
Edhe në mars Shqipëria me rekord trafiku pasagjerësh nga Rinasi
-
Raportimi i Kathimerini hedh hije dyshimi mbi vizitën e Ramës në Athinë
-
Pentagoni pranon se SHBA-të kanë vrarë gabimisht një civil në sulmin në Siri në vitin 2023, raporton Washington Post
-
Osmani takon Hovenierin: Vazhdimi i masave është i padrejtë