Kongresmeni nga Kalifornia, Adam Schiff, i cili u bë i njohur si prokurori kryesor në shkarkimin e parë të Donald Trump, ka thënë se do të kërkojë vendin e Senatit të Kalifornisë që mbahet nga Dianne Feinstein.
“Do të doja të mund të thosha se kërcënimi i ekstremistëve Maga ka mbaruar”, ka thënë Schiff, në një video që njoftonte fushatën e tij.
Schiff po i bashkohet koleges demokrate të Kalifornisë jugore, Katie Porter, në deklarimin e kandidaturës së tij për vendin e Senatit përpara se Feinstein të kishte shpallur edhe tërheqjen e saj.
Feinstein është anëtarja më e vjetër e Senatit dhe u ka thënë gazetarëve këtë javë se do të marrë një vendim për vitin 2024 në dy muajt e ardhshëm mes pyetjeve rreth shëndetit të saj.
Schiff, i cili është i afërt me të, ka thënë se kishte folur me të një ditë më parë për ta informuar për qëllimin e tij për të kandiduar.
“Dua të sigurohem që gjithçka që bëra ishte me respekt për të dhe se e bëra këtë me dijeninë dhe bekimin e saj”, ka thënë Schiff.
Por janë të shumtë ata që do të duan vendin e saj.
Përfaqësuesja e Bay Area, Barbara Lee, thuhet se u ka thënë kolegëve dhe donatorëve se ka në plan të kandidojë dhe analistët politikë presin që përfaqësuesi i Silicon Valley, Ro Khanna, gjithashtu mund të zhvillojë një fushatë konkurruese.
Sakaq, Schiff ka rezultuar të jetë një grumbullues i mrekullueshëm fondesh, me 20.6 milionë dollarë para për fushatën në fund të nëntorit.
Dhe njoftimi i tij vjen pasi kryetari i Dhomës së Përfaqësuesve, Kevin McCarthy, bllokoi Schiff që të shërbente në komitetin e inteligjencës.
Ai e ka nisur fushatën e tij duke theksuar antagonizmin ndaj Trump-it dhe aleatëve të tij.
“Nëse demokracia jonë nuk po jep rezultate për amerikanët, ata do të kërkojnë alternativa, si një demagog i rrezikshëm që premton se vetëm ai mund ta rregullojë atë”, ka theksuar Schiff.
Ai mendon se rekordi i lidershipit, “ai rekord i mbrojtjes së patundur të demokracisë dhe mënyra se si kam mbrojtur një ekonomi që funksionon për të gjithë, mendoj se janë një rekord i fuqishëm për të vazhduar”.
Ai ka qenë një prokuror federal dhe shërbeu në senatin e Kalifornisë, ku historia e tij e ashpër në krim është kritikuar nga drejtësia penale dhe avokatët e të drejtave të emigrantëve.
Rekordi i tij në Kongres është më centrist se ai i Porter, Lee ose Khanna.
Marrë nga “The Guardian”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
