Komunat e Kosovës janë shprehur të pakënaqura për buxhetin e ndarë nga Qeveria.
Kryetari i Asociacionit të Komunave të Kosovës, Sazan Ibrahimi, ka deklaruar se në bazë të analizës së tyre mjetet e ndara kanë shënuar rënie ndër vite.
“Në bazë të analizave të Asociacionit të Komunave të Kosovës rezulton që në vitin 2020 komunat kanë pranuar 21.7% të mjeteve buxhetore nga buxheti i Kosovës. Në vitin 2021, 22.1%, kurse në vitin 2022 kjo përqindje bie në 19.6. Ndërsa në vitin 2023 do të jetë 20.5%”.
“Në raport me vitin 2021 dhe 2020 përqindja e mjeteve që do t’i bartet komunave është më e vogël se 2021. Kjo ndikon në përmasimin e jetës së qytetarit. Sa më shumë mjete që i dedikohen komunave atëherë edhe rezultatet shihen në praktikë dhe shkojnë në investime kapitale dhe përmirësohet jeta e qytetarit”, ka thënë Ibrahimi për Ekonomia Online.
Sipas Ibrahimit, niveli qendror akoma tenton t’i centralizojë kompetencat.
“Ndërtimin e shkollave në një kohë paraprake ministria e arsimit pati hequr dorë nga ndërtimi i çerdheve ndërsa tash po e shohim që trendi është rikthyer. Po besojmë që niveli qendror duhet të merret me hartimin e politikave të cilat e ndryshojnë situatën e jo me ndërtimin e godinave”.
Ai sërish ka përsëritur thirrjen e tij që të miratohet Ligji për financa lokale.
“Ne kemi kërkuar që të miratohet Ligji për financa lokale. Nëse miratohet granti i katërt këto mjete financiare të cilat shkojnë përmes ministrive te komunat do të shkojnë te komunat. Si pasojë e mos funksionalizimit të bordit të OShP, ngritjes së çmimeve, rritjes së inflacionit shumë projekte që do të përmirësonin jetën e qytetarëve nuk kanë mundur të zhvillohen”.
Ndër prioritetet kryesore të Qeverisë së Kosovës për vitin 2023, është vendosur sektori i shëndetësisë ku janë ndarë 296 milionë euro për sektorin e shëndetësisë në nivel qendror e lokal.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mujanoviç: S’ka asnjë argument logjik, ligjor apo politik për ta mbajtur Kosovën jashtë Këshillit të Evropës
-
“Borrell i vendosi masa Kosovës pa një vendim të Këshillit Evropian, ndërsa tash kërkon konsensusin e 27-të vendeve anëtare”
-
Nëntë persona të tjera pranohen në procesin gjyqësorë ndaj ish krerëve të UÇK-së
-
Kearns kërkon të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
Lajmet kryesore
-
Meta paralajmëron të tjera dosje të nxehta nga SPAK, më të mëdha se “5D” e Bashkisë Tiranë
-
Finalja e Superiores do të arbitrohet nga Anthony Taylor
-
Opozita sllovake shpreson se votimi evropian do ta frenojë kryeministrin populist
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë