Kate Middleton dhe spekulimet mbi gjendjen e saj shëndetësore – çfarë dihet deri më tani?

Mungesa e Princeshës së Uellsit, Kate Middleton që nga operacioni i saj në bark më 16 janar ka çuar në spekulime të përhapura për gjendjen e saj.

Thashethemet u përshkallëzuan pasi Pallati Kensington publikoi një foto të redaktuar të Kate me tre fëmijët e saj në Ditën e Nënës, duke nxitur spekulime.

“Ata janë më të hapur kur bashkëveprojnë me anëtarët e publikut dhe unë mund të shoh një botë në të cilën princesha mund të diskutojë rikuperimin e saj”, tha një burim mbretëror.

“Ata do të duan të jenë të qartë dhe më të hapur, por do ta bëjnë kur të ndihen gati. Unë do të prisja që ky të ishte instinkti i saj dhe do të ishte thirrja e saj. Ata nuk do të nxitohen”, shtoi ai.

Pallati Kensington njoftoi fillimisht më 17 janar se Kate i ishte nënshtruar një “operacioni të planifikuar në bark” dhe nuk do të merrte pjesë në detyrat mbretërore deri pas Pashkëve.

Pallati e përsëriti atë deklaratë javë më parë kur një zëdhënës i familjes mbretërore tha: “Ne ishim shumë të qartë që në fillim se Princesha e Uellsit ishte jashtë  agjendës deri pas Pashkëve dhe Pallati Kensington do të jepte përditësime vetëm kur diçka ishte e rëndësishme”.

Një mik i cili thuhet se ka qenë në kontakt me çiftin mbretëror në mes të rimëkëmbjes së Kate tha: “Nuk është se ata nuk mendonin se do të kishte shumë spekulime dhe interesa, por ata kishin besim se njerëzit do t’u jepnin atyre hapësirën që kishin kërkuan, gjë që e bënë vetëm për rreth një muaj”.

Sunday Times raportoi se data e mundshme e kthimit të Kate mund të mos jetë deri më 17 prill, që përkon me fundin e pushimit shkollor të fëmijëve të saj.

Për më tepër, javët e fundit, Kate thuhet se është parë në shkollën e Princit George, Princeshës Charlotte dhe Princit Louis.

Një burim citoi momentin kur Princi William u largua nga një ceremoni për të nderuar kumbarin e tij Mbretin Konstandin të Greqisë në fund të shkurtit, si pikë kthese kur publiku filloi të vinte në dyshim gjithçka rreth mungesës së princeshës.

“Ai nuk kishte zgjidhje tjetër veçse të tërhiqej, por reagimi ishte zhgënjyes”, tha burimi.

“Kjo i hoqi kapakun çdo gjëje me padurimin e njerëzve për të ditur se çfarë po ndodhte. Ai nuk është në modalitetin e ‘fajësimit të medias’. Ai është shumë i mërzitur që gruaja e tij duhet të kalojë gjithë këtë me shërimin e saj dhe më pas duhet të mendojë për të bërë deklarata për një foto familjare”, shtoi ai.

Burime të tjera konfirmuan se Kate u ndje e “shkatërruar” nga polemika e nxitur nga fotografia, e cila u tërhoq nga qarkullimi nga Associated Press dhe disa organizata të tjera të lajmeve për shkak të manipulimit të dukshëm.

Pavarësisht skandalit të shkaktuar nga fotoja, William dhe Kate pritet të publikojnë një foto të re familjare të djalit të tyre të vogël, Princit Louis, për ditëlindjen e tij të 6-të më 23 prill.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.