John Travolta zbulon arsyet nga personalja që e bënë t’i bashkohet filmit të ardhshëm “The Shepherd”

Aktori, John Travolta ka zbuluar së fundmi se një përvojë afër vdekjes që pati gjatë pilotimit të një avioni në vitin 1992 e frymëzoi atë të merrte rolin e tij në filmin e ri të shkurtër të Disney+,”The Shepherd”.

“The Shepherd” tregon historinë e një piloti të ri që përpiqet të ulej në mënyrë të sigurt pasi kishte pësuar një dështim elektrik në ajër, shkruan CNN, transmeton AlbanianPost.

Premisa është jashtëzakonisht e ngjashme me atë që Travolta, një pilot i licencuar, tha se ai përjetoi në vitin 1992.

Duke kujtuar incidentin gjatë një interviste, Travolta tregoi se ai “përjetoi një dështim total elektrik” në një avion që po pilotonte ndërsa fluturonte mbi Uashington DC me familjen e tij.

“E dija se si ishte të mendosh absolutisht se do të vdesësh”, tha ai.

“Kisha dy motorë të mirë reaktiv, por nuk kisha instrumente, pa elektrike, asgjë. Dhe mendova se kishte mbaruar”, shtoi ai.

Ai përfundimisht bëri një ulje të sigurt “si për një mrekulli”, tha ai.

Kjo është arsyeja pse Travolta u bë pjesë e “The Shepherd”, i cili bazohet në librin e Frederick Forsyth të vitit 1975, me titull të njëjtë.

Në filmin e shkurtër, Travolta luan një samaritan të mirë që udhëzon një pilot të ri (Ben Radcliffe) drejt sigurisë pasi ai e gjen veten “në rrezik kur radios dhe energjisë elektrike i ndërprenë, duke e lënë të bllokuar dhe duke punuar me karburant të kufizuar”.

Travolta tha se Radcliffe “kapi atë dëshpërim kur mendon se në të vërtetë do të vdesësh”.

Aktori i “Pulp Fiction” tha se historia e “The Shepherd” pati një jehonë të thellë me të, sepse ka të bëjë me “jetën dhe vdekjen dhe sa e çmuar është jeta”.

“The Shepherd” do të jetë nis të transmetohet nga Disney+ më 1 dhjetor.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.