Drejtori i Forumit për marrëdhënie etnike, Dushan Janjiç, ka thënë se një pjesë e shërbimit informativ-ushtarak francez e kishte shtyrë para idenë e ndarjes së territorit të Kosovës.
Në një intervistë për Tv Happy në Serbi, Janjiç tha se çështja e ndarjes së territorit ka qenë aktuale kur presidenti i Francës, Emanuel Macron, pati ardhur në pushtet dhe ishte takuar herët me Aleksandër Vuçiçin, i cili në fillim ishte i painformuar prandaj tingëlloi sikur të ishte pajtuar.
E gjithë kjo nuk ka qenë për shkak të tij por për shkak se një pjesë e shërbimit informativ ushtarak francez e kishte shtyrë këtë ide.
Është një rreth në jetën ushtarake, industriale e politike franceze, që njihen si neodegolistë e të cilët i quajnë “lobi bërthamor”, ky është ai që ia kishte ofruar Millosheviçit 20 bomba bërthamore…e mban mend krejt kush e ka vijuar këtë shkollë, e kush ka doktoruar aty… këta janë”, ka thënë Janjiç.
Tutje Janjiç tha se ka qenë ideja e francezëve dhe se “kjo punë duhet këputur”.
“Merrni territorin, nëse duhet shkaktojeni një konflikt të vogël e Kosovën pranojini, dhe u krye puna”, ka shpjeguar Janjiç, se si gjithçka ka ndodhur, sipas tij.
Ai beson se Macroni tash është kundër, sepse prej se dolën tekstet me hartat në “Le Monde”, “ai e korrigjoi qëndrimin, iu bashkua qëndrimit të zonjës Angela Merkel dhe u deklarua kundër”, përfundoi Janjiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Në 6-mujorin e dytë norma e inflacionit mbeti mbi nivelin e synuar të BSH-së
-
Rama nga impianti i Ferrokromit: Sistemi i filtrimit, 2 milionë euro investim
-
Borrelli thotë se Ballkani Perëndimor ka shansin historik për të lidhur të ardhmen me BE-në
-
Kurti takon nënkryetaret serbe të komunave veriore, diskutojnë për lirinë e asociimit
