Mbrojtësi i Borussia Dortmund-it, Mats Hummels, është shfaqur duke tronditur Premier League-n me një koment të bërë në mediat sociale pas ndeshjeve evropiane të kësaj jave.
Ishte një javë katastrofike për klubet angleze në Evropë, me katër të eliminuar nga garat e tyre përkatëse.
Manchester City dhe Arsenal-i u eliminuan nga Champions League të mërkurën mbrëma për ta lënë Anglinë pa përfaqësues në kompeticion.
City u mposht me penallti nga 14 herë fituesi i Champions-it Real Madrid-i, pasi çerekfinalet e tyre përfunduan 4-4 pas kohës shtesë.
Ndërkohë, Arsenal-i u mund 1-0 jashtë shtëpisë nga Bayern Munich-u për të humbur 3-2 në total nga skuadra e Bundesliga-s.
Ndërsa në Europa League, Liverpool dhe West Ham u eliminuan nga gara në fazën çerekfinale.
Pavarësisht se fitoi 1-0 kundër Atalanta-s të enjten mbrëma, Liverpool u eliminua pas një humbjeje totale 3-1, ndërsa West Ham u mposht me të njëjtin rezultat të përgjithshëm ndaj Bayer Leverkusen pasi barazoi 1-1 në ndeshjen e dytë çerekfinale.
Kjo do të thotë që Anglisë i ka mbetur vetëm një klub në Evropë këtë sezon, Aston Villa, e cila kaloi në gjysmëfinale të Conference League pasi mposhti Lille-n me penallti.
Gjermanisë, ndërkohë, i kanë mbetur edhe tre klube në Evropë, Borussia Dortmund dhe Bayern Munich në Champions League dhe Leverkusen në Europa League.
Mbrojtësi i Dortmund-it, Hummels, doli në mediat sociale të premten për të postuar një koment tallës që me sa duket synonte tifozët anglezë të futbollit.
“Të korrura të mbara këtë javë, bashkëkolegët e mi fermerë”, shkroi Hummels në X. Shprehja i referohet një shakaje mes tifozëve anglezë se Bundesliga ishte një “ligë e fermerëve” jokonkurruese për vite me radhë gjatë periudhës dominuese të Bayern Munich-ut.
Good harvesting this week my fellow farmers 🤝 🇩🇪
— Mats Hummels (@matshummels) April 19, 2024
Java katastrofike për klubet angleze në Evropë ka të ngjarë të lërë Premier League pa një vend të pestë në Champions League sezonin e ardhshëm.
Seria A e Italisë ka siguruar tashmë një vend bonus bazuar në renditjen e koeficientëve këtë sezon, me Bundesliga-n të vendosur të fitojë një vend shtesë para Premier League.
Gjermanisë i nevojiten vetëm 0.488 pikë koeficienti për të siguruar vendin e fundit shtesë, ose dy fitore, ose një fitore dhe dy barazime në ndeshjet e tyre të mbetura evropiane këtë sezon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
