Gjykata e Bosnjë-Hercegovinës dënoi të mërkurën kryeministrin e entitetit më të madh të Bosnjës, Federatën e Bosnjë-Hercegovinës, Fadil Novaliç, me katër vjet burg në një vendim të shkallës së parë.
Udhëheqësi boshnjak akuzohej për prokurimin e 100 ventilatorëve mbi çmimin e tyre nga Kina në vitin 2020 me një kosto për buxhetin prej 10.5 milionë markash boshnjake, ose pak më shumë se 5 milionë euro.
Lajmi u bë i ditur nga agjencitë vendase.
Drejtori i kompanisë Srebrena malina, Fikret Hodziç dhe drejtori i pezulluar i Administratës së Federatës për Mbrojtjen Civile, Fahrudin Solak, gjithashtu u shpallën fajtorë të mërkurën dhe u dënuan përkatësisht me pesë dhe gjashtë vjet.
Kompania e Hodziç u gjobit gjithashtu me 100 mijë euro.
Zëvendëskryeministrja e Federatës dhe Ministrja e Financave Jelka Miliçeviç u shpall i pafajshëm.
Më 23 shkurt 2021, gjykata e lartë e Bosnjës filloi gjyqin për prokurimin e njëqind respiratorëve që kushtojnë 5.4 milionë euro nga Kina për sistemin e kujdesit shëndetësor të entitetit.
Blerja u bë në prill 2020, një ditë pas shpalljes së gjendjes së jashtëzakonshme për shkak të pandemisë COVID-19.
Novaliç nuk u paraqit për dënimin më 5 prill, ndërsa mbrojtja pritet të apelojë vendimin dhe të nisë procedurën e shkallës së dytë.
Në tetor të vitit të kaluar Departamenti i Thesarit Amerikan sanksionoi kryeministrin boshnjak Fadil Novaliç dhe një biznesmen të lidhur me udhëheqësin e Republikës Srpska, Milorad Dodik.
Sipas Thesarit Amerikan, në cilësinë e si kryeministër, Novaliç “keqpërdori të dhënat e pensionistëve për të mirën e partisë së tij politike dhe në kundërshtim me ligjin boshnjak”.
Në javën para zgjedhjeve të 2018-ës, Novaliç përdori të dhënat e pensionistëve që kishte marrë përmes pozicionit të tij zyrtar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zgjedhjet në Maqedoni të Veriut: Vendvotimet u hapën në kohë – nuk raportohet për asnjë parregullsi
-
Gjashtë persona të lënduar nga aksidenti në Prishtinë
-
Pasi pranoi efektet anësore, AstraZeneca tërheq vaksinat kundër COVID-19
-
Gjenerali ukrainas Skibitsky: Tani nuk mund të fitojmë, kështu që Evropa është në rrezik
Lajmet kryesore
-
Zgjedhjet në Maqedoni të Veriut: Vendvotimet u hapën në kohë – nuk raportohet për asnjë parregullsi
-
Ligji i ri i tatimeve për profesionet e lira është i drejtë, sipas FMN
-
Gjenerali ukrainas Skibitsky: Tani nuk mund të fitojmë, kështu që Evropa është në rrezik
-
30% e shqiptarëve jetojnë në kushte të vështira