![](https://albanianpost.com/wp-content/uploads/2021/08/Gjukanovic.png)
Presidenti i Malit të Zi, Milo Gjukanoviç, më së voni deri më 18 shtator do të përpiqet t’i propozojë Kuvendit të Malit të Zi, mandatarin e rij për formimin e Qeverisë së re të Malit të Zi, pas votimit të mocionit të mosbesimit ndaj ish-kryeministrit, Dritan Abazoviç.
Një gjë e tillë është bërë e ditur për të përditshmen malazeze, “Vijesti” nga kabineti i Gjukanoviç’it.
“Presidenti i Malit të Zi, në kohën e duhur, jo më vonë se 30 ditë nga dita e votimit të mosbesimit ndaj Qeverisë së 43-të të Malit të Zi, në përputhje me kompetencat e përcaktuara me Kushtetutë, do t’i propozojë parlamentit mandatarin e ri”, thuhet në përgjigjen e Zyrës së Presidentit.
Parlamenti malazez, të shtunën e 20 gushtit, votoi pro mocionit të mosbesimit ndaj qeverisë së Dritan Abazoviç, i cili udhëhoqi vendin vetëm 113 ditë.
Për shkarkimin e Qeverisë votuan 50 deputetë të pranishëm dhe një kundër.
Iniciativën për votëbesimin e Qeverisë e kanë dorëzuar paraprakisht 36 deputetë të Partisë Demokratike të Socialistëve, PS, Socialdemokratëve, Partisë Liberale dhe Bashkimit Demokratik të Shqiptarëve.
Në votim nuk morën pjesë deputetët e Frontit Demokratik, Partisë Popullore Socialiste dhe të koalicionit “E zeza mbi të bardhë”, si dhe deputeti i Demos, Miodrag Lekiç.
Iniciativa për mosbesimin ndaj qeverisë së Abazoviç-it është paraqitur nga 36 deputetë të DPS-së, Partisë Socialdemokrate, Partisë Liberale, Socialdemokratëve dhe disa partive të tjera, pak orë pasi Abazoviç nënshkroi Marrëveshjen/Kontratën Themelore me Patriarkun e Kishës Ortodokse Serbe.
Ky ishte mocioni i dytë i mosbesimit të vitit, pas rënies në shkurt të kabinetit të kryeministrit Zdravko Krivokapiç, i cili u mbështet nga Kisha Ortodokse Serbe.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kryetarja e Kuvendit të Sllovenisë sot në Kosovë
-
Ahmeti: Kjo qeveri s’ka legjitimitet – do ta demonstrojmë pakënaqësinë tonë
-
Petkoviçi e quan Sveçlën “mburravec” të rrjeteve sociale
-
Ish-kryeinspektori i AKI-së: Derisa Serbia po pasivizon adresat e shqiptarëve, Qeveria e RMV-së po i largon nga vendimmarrja