![](https://albanianpost.com/wp-content/uploads/2024/06/armenia.jpg)
Ministrja e Punëve të Jashtme, Donika Gërvalla, është takuar me homologun e saj nga Armenia – shtet ky që s’e njeh pavarësinë e Kosovës – Ararat Mirzoyan, me të cilin kanë diskutuar çështjet e sigurisë rajonale.
Takimi është zhvilluar në margjinat e Forumit të Dubrovnikut, në Kroaci, të shtunën, derisa lajmi është bërë i ditur nga Ministria e Punëve të Jashtme të Armenisë.
“Bashkëbiseduesit diskutuan çështjet e sigurisë rajonale dhe shkëmbyen ide mbi faktorët që ndikojnë në stabilitetin në Kaukazin e Jugut dhe në Ballkan. U referua edhe sfida në rrugën e zhvillimit demokratik”, thuhet në njoftim.
Në këtë takim, kryediplomati armen ka theksuar përpjekjet që po bëhen për normalizimin e marrëdhënieve me fqinjët.
“Në veçanti, u theksua vullneti politik i treguar nga Armenia në nënshkrimin e një traktati paqeje midis Armenisë dhe Azerbajxhanit dhe krijimin e bazave të qëndrueshme për zhvillim të qëndrueshëm në vend të konfrontimeve ushtarake në Kaukazin e Jugut”, potencohet aty.
Ndryshe, Gërvalla ka përfaqësuar të shtunën Kosovën në Forumin e Dubrovnikut, që është mbajtur në Kroaci.
Gërvalla optimiste se Kosova këtë vit anëtarësohet në Këshill të Evropës
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Kadare do të mbetet mbrojtësi më i madh i identitetit evropian të shqiptarëve
-
Osmani: Kadareja ishte simbol i lirisë për të gjithë – trashëgimia e tij do të mbetet përjetësisht në zemrat tona
-
Udhëtimi i Kadaresë nga poezia si përfytyrim, në tokën e Kosovës
-
Gërvalla kërkon nga homologu turk përkrahje për t’u anëtarësuar në organizata ndërkombëtare