Ministrja e Punëve të Jashtme dhe e Diasporës së Kosovës (MPJD), Donika Gërvalla-Schwarz, takoi të martën Ndihmës-Sekretarin e Përgjithshëm të NATO-s për Çështje Politike dhe Politika të Sigurisë, Boris Ruge, gjatë vizitës në selinë qendrore të aleancës në Bruksel, ku deklaroi se Kosova është faktor kyç i paqes dhe stabilitetit në Ballkanin Perëndimor.
Në njoftimin e lëshuar nga MPJD-ja bëhet e ditur se kryediplomatja kosovare theksoi se Kosova është e gatshme dhe e vendosur të fillojë dialogun dhe procesin e konkretizimit të marrëdhënieve me NATO-n, duke vënë në pah se Kosova si faktor kyç dhe i dëshmuar si kontributdhënëse për paqe dhe siguri në rajon dhe përtej i ka përqafuar vlerat euroatlantike.
“Vëmendje e veçantë gjatë këtij takimi kanë zënë dhe aspektet politike dhe të sigurisë në Kosovë dhe rajon, duke nënvizuar obstruksionet dhe sulmet e vazhdueshme të Serbisë si dhe ndërhyrjet e vazhdueshme të influencave të huaja për destabilizim të Kosovës dhe rajonit, në veçanti asaj ruse në Ballkanin Perëndimor”, u tha ndër të tjera komunikatën e MPJD-së.
Shefja e diplomacisë kosovare u tha se e falënderoi NATO-n për mbështetjen e vazhdueshme, derisa nënvizoi se është i domosdoshëm përparimi i proceseve integruese deri në anëtarësim të plotë të Kosovës. Ndryshe, katër vende anëtare të NATO-s – Spanja, Sllovakia, Rumania dhe Greqia – nuk e njohin pavarësinë dhe sovranitetin e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
KSHZ: Deri në orën 13:00 votuan mbi 300 mijë qytetarë
-
Osmani kërkon nga guvernatori i Teksasit thellim të bashkëpunimit në fushën e tregtisë
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetikë ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Rusia në këmbët e Carit Vladimir Putin – Patriarku e quan atë “Lartësia e Tij”
Lajmet kryesore
-
KSHZ: Dalja në zgjedhje presidenciale është 12.87 për qind, në zgjedhjet parlamentare 13.69 për qind
-
Emerging Europe: Përpos sfidave, ekonomia e Shqipërisë zë një vend të mirë
-
“Të mendojnë për sigurinë e tyre, jo për Ukrainën”, bisedat e hakëreve që kryen sulm kibernetikë ndaj Kosovës – Maqedonci për AP: Përtej motivit të hakmarrjes pati qëllim destabizlimin
-
Kurti thotë se “s’ka faj” nëse dështon Kosova