Shoqata e Gastronomëve të Kosovës, ka paralajmëruar protestë në të martën e 25 majit.
Petrit Kllokoqi nga kjo shoqatë, për Albanian Post ka thënë se qëllimi i kësaj proteste është lirimi i masave anti-COVID.
“Arsyeja e protestimit është lirimi i masave si heqja e orës policore, shtyrja e orarit, hapja e klubeve të natës dhe sallave të dasmave si dhe hapja e pishinave”, është shprehur ai.
Kllokoqi po ashtu, ka thënë se përmes kësaj proteste dëshirojnë t’ua hapin sytë institucioneve sa i përket situatës së këtij sektori.
“Nuk është protestë për ndërrimin e qeverisë. Është protestë më ua hap sytë e veshët, që dikush që 450 ditë ka qenë i mbyllur e dikush tjetër duke punuar me kufizime e dënime”, ka shkruar ai në Facebook.
Duke iu drejtuar ministrit të Ministrisë së Shëndetësisë, Arben Vitisë, Kllokoqi ka thënë se masat më nuk kanë efekt.
“Nuk kanë efekt më masat, përderisa rajoni e bota po hapen. Masat nuk ua pranojmë më. MASAT LËSHONI SOT kur jemi në prag të verës , ku jemi me një për qind raste në ditë, kur po e presim diasporën. Ministër, kemi bërë deklaratë të përbashkët që nëse rastet bien, orari zgjatet, masat lehtësohen e plani për verën përgatitet”, ka shtuar ai.
Duke theksuar procesin e vaksinimit që sipas Kllokoqit Kosova ka mbetur mbrapa, ai fajin ua lë institucioneve të vendit.
“Ju na tradhtuar, jo ne. Ne jemi mbrapa edhe me vaksinim, shkaku juaj e jo i yni. O hapeni verën, o e hapëm vet”.
Kllokoqi më tej ka potencuar se nuk do të dalin për ta dëmtuar pronën e shtetit.
“ Nuk po dalim ta dëmtojmë pronën e shtetit, asnjëherë, që me taksën tonë e babës e gjyshit e ndërtuam. Po dalim në një protestë (EVENT pakënaqësie), që e kemi edhe me të drejtë kushtetuese”, është deklaruar ai.
Kjo protestë do të zhvillohet para objektit të Qeverisë së Kosovës, në sheshin “Skënderbeu”, nga ora 18:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Murati arsyeton Raportin e DASH-it: Kuantitativisht ka përgjysmim të korrupsionit, përpiluesi ka rënë pre e dezinformatave të mediave
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
Gjykata i lë në paraburgim Naim Murselin dhe dy të dyshuarit e tjerë për vrasjen e Liridona Ademajt
-
Tragjedia e Gërdecit, Mediu sërish kërkesë për marrjen e dëshmisë së shtetasve amerikanë
Lajmet kryesore
-
Ali Ahmeti ‘Qytetar Nderi’ i Tiranës, Rama: Është ndër shqiptarët më të mirë të historisë kombëtare
-
Interpelanca/ Salianji: Situata e kriminalitetit është e rëndë, Balla: Në vitin 2023 niveli më i ulët i vrasjeve
-
Në ujërat greke, aty ku vendet evropiane mësojnë të luftojnë pa ndihmën amerikane
-
Sulmet e Metës dhe paraqitja e Veliajt në SPAK, Gonzato: Nuk komentojmë hetimet, por e mbështesim prokurorinë