FSK-ja së bashku me Policinë e Kosovës i përfundojnë stërvitjet vjetore me KFOR-in

KFOR-i në bashkëpunim me përfaqësuesit e Policisë së Kosovës, Forcës së Sigurisë së Kosovës, Kryqin e Kuq, Agjencinë për Menaxhimin e Emergjencave dhe Komunën e Gjakovës kanë përfunduar edicionin e vitit 2021 të stërvitjes vjetore “Saber Silver”, e cila është zhvilluar në zonën e trajnimit të fushës ajore në Gjakovë dhe fabrikën e Erenikut.

Në njoftimin e KFOR-it thuhet se stërvitja “përfshiu operacion të reagimit emergjent në shkallë të gjerë, ku përfaqësuesit e Policisë së Kosovës, Kryqit të Kuq, Forcës së Sigurisë së Kosovës, Agjencisë për Menaxhimin e Emergjencave dhe komunës së Gjakovës janë testuar”.

“Me mbështetjen e personelit të KFOR -it – në përpjekjet e tyre për të shpëtuar jetë, të ndihmojë në qetësimin e popullsisë lokale të prekur nga fatkeqësia natyrore, të ruajë sigurinë, të ruajë funksionimin e shërbimeve thelbësore dhe të përgatitet për rivendosjen e gjendjes normale”.

Ndërsa, gjatë ditës së martë kishte filluar ushtrimi fushor dhe kishte përfunduar gjatë ditës së enjte.

“Forca e Sigurisë së Kosovës do të angazhoj kapacitetet e Gardës Kombëtare me qëllim të avancimit dhe ndërveprueshmërisë me institucionet vendore dhe ndërkombëtare, në kuadër të operacioneve të Mbështetjes Ushtarake për Autoritetet Civile”, thuhej në komunikatë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.