Frikë për dhunë, ndërsa mbahen mijëra tubime për të mbështetur Bolsonaro-n

Mbështetësit e Presidentit të Brazilit, Jair Bolsonaro-s nuk është e vështirë të gjenden në Sinop, ku gati 80% e votuesve mbështetën udhëheqësin ultra-konservator të vendit në zgjedhjet e vitit 2018.

“Ai është një president i popullit”, tha Marcos Watanabe, kreu i shoqatës konservatore të qytetit, duke veshur një bluzë të stampuar me emrin e Bolsonaros.

Ata janë po aq apasionuar sa presidenti i sindikatës së fermerëve të Sinopit, Ilson Jose Redivo, i cili ka vendosur një tabelë të udhëheqësit të tij jashtë selisë me sloganin: “Ne besojmë në Zot dhe e vlerësojmë familjen. Ne jemi me Bolsonaro-n”.

“Ai po përpiqet të ndryshojë Brazilin”, tha fermeri 64-vjeçar i misrit dhe sojës, i cili priti populistin e djathtë në Sinop vitin e kaluar në një ngjarje ku morën pjesë anëtarë të elitës së fuqishme të agrobiznesit të rajonit, shkruan “The Guardian“.

Redivo është një nga miliona besimtarët e Bolsonaros që pritet të dalin në rrugë më 7 shtator në një seri tubimesh masive që kanë tronditur politikën braziliane dhe kanë lënë shumë qytetarë të brengosen për të ardhmen e demokracisë së re të vendit të tyre.

“Do të jetë demonstrata më e madhe që Brazili ka parë ndonjëherë,” pohoi Redivo, ndërsa po përgatitej të bënte një udhëtim prej 780 kilometrash në kryeqytetin e Brazilit, Brasilia, ku do të mbahet një nga mobilizimet më të mëdha.

Një tubim tjetër gjigant do të mbahet në zemër të kryeqytetit ekonomik të Brazilit, Sao Paulo.

Për Redivo-n, marshimet të kombinuara me përvjetorin e pavarësisë së Brazilit nga Portugalia, më 7 shtator të vitit 1822 – kanë të bëjnë me mbrojtjen e një udhëheqësi të goditur, vlerësimet e të cilit kanë rënë si rezultat akuzave për korrupsion si dhe si pasojë e shpërthimit të Coronavirusit, që ka marrë jetën e më shumë se 580 mijë brazilianëve,duke përfshirë familjen dhe qeverinë e Bolsonaros.

“Ndihem i zemëruar për atë që ata po bëjnë me presidentin e republikës”, tha Redivo, duke denoncuar sulmet ndaj Bolsonaro nga anëtarët e asaj që ai e quajti “e majta e kuqe” e Brazilit.

“Është e pamundur të kuptohet se si ka njerëz që denigrojnë imazhin e vetë vendit në të cilin jetojnë. Këta njerëz nuk janë aspak patriotë”, tha fermeri.

Por, demonstratat kanë ngjallur zemërim dhe dridhje midis armiqve politikë të Bolsonaros, të cilët kanë frikë se mund të ketë kaos dhe dhunë, pasi mbështetësit e radikalizuar dhe potencialisht të armatosur, përfshirë policinë, përmbytën rrugët.

Disa shqetësohen se 7 shtatori mund të jetë përgjigja e Brazilit ndaj 6 janarit, dita kur mbështetësit e ashpër të Donald Trump – idhulli politik i Bolsonaro-s u tërbuan në Washington, duke lënë pesë të vdekur.

Të tjerët kanë frikë se Bolsonaro, një ish-ushtar i njohur për admirimin e udhëheqësve autoritarë, mund të komplotojë një vetë-grusht shteti, me anë të të cilit presidenti i zgjedhur në mënyrë demokratike përpiqet të kapë fuqitë diktatoriale.

Thuhet se më shumë se pesë mijë policë do të vendosen për të mbrojtur kongresin mes frikës se ai mund të pësojë të njëjtin fat si Kongresi amerikan pas humbjes së Trump-it.

Udhëheqësit e majtë u kanë bërë thirrje ndjekësve të tyre që të shmangin përplasjet duke mos mbajtur kundër-protesta, ndërsa ambasada amerikane u ka thënë qytetarëve të qëndrojnë larg.

Gjithashtu, edhe kryetari i gjykatës supreme të Brazilit, Luiz Fux, tha se njerëzit duhet të jenë të vetëdijshëm për “pasojat gjyqësore të akteve të tyre”, pavarësisht nga prirjet e tyre politike.

“Liria e shprehjes nuk përfshin dhunë dhe kërcënime”, paralajmëroi Fux.

Redivo tha se protestat kishin në shënjestër anëtarët politik dhe gjykatës supreme, të cilët ai pretendonte se po pengonin kryqëzatën “patriotike” të Bolsonaros për të çliruar vendin nga kontrolli i “plaçkitësve të korruptuar të majtë”.

Sidoqoftë, shumica e vëzhguesve besojnë se tubimet janë krijuar për të ndihmuar Bolsonaro-n të projektojë një ndjenjë të rreme të fuqisë në atë që është momenti më i dobët që nga fillimi i presidencës së tij në janar të vitit 2019.

Sondazhet tregojnë se më shumë se 60% e brazilianëve nuk do të votonin për Bolsonaro-n në asnjë rrethanë në zgjedhjet e vitit të ardhshëm, duke e vënë ish -presidentin e majtë Luiz Inacio Lula da Silva në dukje për ta mundur atë.

Edhe në qytetet e Amazonës si Sinopi, ku gjenden disa nga mbrojtësit më të flaktë të presidentit, ka të dhëna se mbështetja po bie.

Graciele Marques dos Santos, e vetmja anëtare e majtë e këshillit të qytetit të Sinopit, pranoi se shumë fermerë dhe ungjillorë vazhduan të mbështesin Bolsonaro-n.

“Ata e shohin atë si një të dërguar të Zotit”, tha ajo.

Por politikania e Partisë së Punëtorëve (PT) besonte se zhgënjimi po rritej dhe e pa retorikën gjithnjë e më radikale të politikanëve “Bolsonarista”, si provë që ata e dinin se presidenca e tij ishte në telashe.

“Unë nuk mendoj se ai gëzon të njëjtin nivel të si në vitin 2019”, tha Dos Santos, duke kritikuar presidentin “krejtësisht autoritar” të Brazilit.

“Ju mund t’i bashkëngjitni atij çdo mbiemër negativ që dëshironi. Ai është i tmerrshëm. Ai e ka kthyer vendin tonë në një turp ndërkombëtar, “tha ajo.

Prezantuesi i televizionit lokal, Tony Lennon tha se fillimisht e pelqeu Bolsonaro-n, por ndjeu se presidenti po humbiste mbështetjen si rezultat i inflacionit, rritjes së çmimeve të karburantit dhe një krize Covid që mori shumë jetë.

“Ishte një efekt domino,” tha Lennon, i cili mendoi se ndoshta vetëm 60% e Sinopensave tani mbështesin Bolsonaro-n krahasuar me shifrën prej 77.38% në vitin 2018.

Diku tjetër, mbështetja ka rënë në mënyrë më dramatike, me miliona që iu bashkuan protestave të mëdha anti-Bolsonaro që nga fundi i majit.

Një hetim i Kongresit po heton përgjigjen e tij ndaj pandemisë ndërsa akuzat e reja për korrupsion që përfshinin ish-gruan e tij dhe dy djemtë e tij politikë u shfaqën në fundjavën që lamë pas.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.