Gjermania dhe Danimarka takohen në raundin e 16-të të UEFA Euro 2024 të shtunën më 29 qershor, duke filluar nga ora 21:00.
Gjermania pritëse e turneut dukej e fortë në fushatën e tyre në Grupin A, duke mposhtur me lehtësi Skocinë dhe Hungarinë përpara barazimit të vonë kundër Zvicrës që i konfirmoi ata si fitues të seksionit të tyre.
Danimarka, megjithatë, do të shfrytëzojë shanset e saj për të marrë një fitore, pasi e ka dëshmuar veten si një ekip të vështirë për t’u mposhtur me tre barazime në tre ndeshjet e saj në Grupin C.
Këto dy skuadra kanë barazuar tre nga katër ndeshjet e fundit që kanë luajtur, gjë që mund të jetë një tregues se një përballje tepër e fortë mund të shihet edhe sot në mbrëmje.
Formacionet zyrtare
Kur ka mbetur pak më shumë se një orë nga fillimi i sfidës, dy trajnerët kanë publikuar formacionet zyrtare me të cilët do të fillojnë takimin e sotëm.
Julian Nagelsmann i Gjermanisë e ka rreshtuar ekipin e tij me 4-2-3-1: Neuer; Kimmich, Rudiger, Schlotterbeck, Raum; Andrich, Kroos; Musiala, Gundogan, Sane; Havertz.
Kasper Hjulmand i Danimarkës është pergjigjur me një 3-5-2: Schmeichel; Andersen, Vestergaard, Christensen; Bah, Delaney, Eriksen, Hojbjerg, Maehle; Hojlund, Skov Olsen.
Gjermania do të duhet të luajë këtë ndeshje pa J.Tah të pezulluar. Ndërkohë, mungojnë në ndeshjen tjetër nëse ndëshkohen: Andrich, Mittelstadt dhe Rudiger.
Mesfushori Hjulmand do të mungojë për danezët këtë ndeshje për shkak të pezullimit. Ndërkohë, mungojnë në ndeshjen tjetër nëse ndëshkohen: Norgaard, Maehle dhe Vestergaard, Wind.
Deklaratat e trajnerëve para ndeshjes
Julian Nagelsmann, trajneri i Gjermanisë u shpreh: “Danimarka është një ekip shumë i organizuar. Ka faza ku ata janë shumë agresivë në mbrojtje, por më pas bëjnë sulme të shkëlqyera me një prekje”.
“Ata kanë shumë lojtarë me përvojë në skuadër dhe një strukturë të qartë. Është një kundërshtar i vështirë, sigurisht që stadiumi i Dortmundit është shumë i zhurmshëm dhe unë e kam përjetuar atë shumë herë si trajner kundërshtar, shpresoj që nesër të kemi një zhurmë të ngjashme nga tribuna”, theksoi ai.
Kasper Hjulmand, trajneri i Danimarkës tha: “Në fillim e konsideroja Gjermaninë një nga favoritët, dhe është shumë keq që ata do të luajnë nesër (sot) me ne”.
“Ata kanë cilësi dhe talent dhe luajtën shumë mirë në grup. Por ne gjithashtu kemi cilësi dhe talent, dhe ata do të duhet të jenë shumë, shumë të mirë për të na mundur. Ne e dimë se tifozët që udhëtojnë në Dortmund do të bëjnë më të mirën për të na frymëzuar”, përfundoi danezi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
