Kryeministri i Japonisë, Yoshihide Suga, do të japë dorëheqjen nga posti i tij vetëm pas një viti në detyrë.
Popullariteti i tij ra ndjeshëm, ndërsa po përpiqej të përballej me situatën e krijuar nga COVID-19.
Suga njoftoi të premten e 3 shtatorit se nuk do të kërkonte rizgjedhje në garën e udhëheqjes së këtij muaji për partinë Liberal Demokratike në pushtet.
Fituesi i asaj gare do të udhëheqë partinë në një zgjedhje të përgjithshme që duhet të mbahet deri më 30 nëntor.
Ky lajm shënoi një rritje në aksionet japoneze, të cilat e çuan pikën e referimit Topix në nivelin më të lartë.
Largimi i Suga-s shënon kthimin e paqëndrueshmërisë politike dhe kryeministrave afatshkurtër në politikën japoneze.
Kjo, pas një periudhe të gjatë stabiliteti nën udhëheqjen e ish-kryeministrit Shinzo Abe, i cili dha dorëheqjen për arsye shëndetësore pak më shumë se një vit më parë.
Me Suga-n jashtë, pretendentët nga fraksionet e tjera të LDP janë vendosur të bashkohen me Kishidën në garë.
Sondazhet e opinionit sugjeruan se kandidati më i popullarizuar do të ishte ministri i vaksinave, Taro Kono, një folës i rrjedhshëm i gjuhës angleze, i cili ka shërbyer si ministër i Mbrojtjes dhe i Jashtëm.
Kandidatët e tjerë të përfshirë në sondazhet e opinionit përfshinin ish-ministrin e Mbrojtjes, Shigeru Ishiba, dhe ministrin e Mjedisit, Shinjiro Koizumi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Si ia futën kot Osmani e Haxhiu për “padinë për gjenocid në Strasburg”, juristët përqeshin presidenten e ministren
-
Media, halli i ‘Heroit’ të Tiranës
-
Tregtia e Turqisë me Rusinë bie pas presionit të SHBA-ve
-
Gërvalla injoron të gjeturat e raportit të DASH-it e Freedom House, thotë se Kosova është në krye të luftës kundër korrupsionit