![](https://albanianpost.com/wp-content/uploads/2021/02/arban-abrashi.png)
“S’kemi emër për kryetar”, ka thënë sekretari i Lidhjes Demokratike të Kosovës, Arban Abrashi, pas mbledhjes së kryesisë më kryetarët e degëve.
Abrashi deklaroi se takimi është thirrur për t’i njoftuar kryetarët më veprimet e kryesisë.
Ai pohoi se mbajtja e Kuvendit zgjedhor është çështje javësh.
“Kryetari Mustafa ka njoftuar kryetarët e degëve për dorëheqjen dhe vendimin për të shkuar në zgjedhje të partisë”, tha Abrashi.
“Dorëheqja e kryetarit Mustafa është e parevokueshme. Ne do t’i kemi dy-tri komisione që do të themelohen këto ditë, njëri do të merret me kandidaturat njëri me mbarëvajtjen e procesit zgjedhor”.
Kryetari i deritanishëm i Lidhjes Demokratike të Kosovës, Isa Mustafa, ka dhënë dorëheqje nga pozita e të parit të partisë të hënën.
Mustafa në një konferencë për media pas mbledhjes së kryesisë së LDK-së tha se “në shenjë të respektimit të votës së qytetarëve sot e kam njoftuar kryesinë që do ta thërrasë kuvendin për zgjedhjen e kryetarit të ri të LDK-së në një periudhë të shpejtë kohore”.
Ai është shprehur i zhgënjyer me rezultatin, duke e konsideruar si “shumë i keq”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com